شيلة العزوه الست الثقال كلمات عماد المهلكي أداء ماجد خضير

سامحٍ من طلعت سهيل يا نجم الشمال
الحياه احلى طعمها .. لاذقنا مرها

ما يكبّر قيمة الرجل ويزيده جلال
غير سدٍ كل ضيقه مايفشي سرّها

والله ان اللي تبيّن على وجهه.. لازال
ماوصل راس الشكاله وخالف غُرها

البعير من الجلاده و زود الاحتمال
ما يجض .. اليا تراكا لحمله زرّها

والله ان اللي يعد التباهي راس مال
كان مابرهن هروجه ولا اوكى برّها

ودك انه ما يقلّط ولايعطى مجال
يدبل كبود الاوادم ويفقع مرّها

الرجل وقت الممارا مايكثر فالجدال
يلجم فميٍ تشدق على منغرها

بالفعول اللي تزيده مهابه واعتدال
والجريره يوم ترجع على من جرّها

عندي الزوده اناه ووسع خاطر وفال
ونيّة تشبه حليب البكار و درها

ودمحة الزلات عسره على عفون الرجال
من حشى بالغل صدره رجع يجترها

عاد يكشف لك رداته لسان الانفعال
ملقط ٍ زاح الرماده وجاب جثرها

اقتباسات التجارب فالابيات الجزال
تعطي الموضوع قيمه وسوق لدُرها

وتجذب اطراف المسامع لحفظ لما يقال
من صلابة فكر شاعر يباهي بالرّها

يكتب حروفٍ تمثل فخر لابه وآل
كل منبر يعتلي به مطير يسرّها

قرنسته اللابه اللي مفاخرها اجلال
كل قمه مجد تلقى بها مقرّها

كيف ما اعد المفاخر ونا اخو العيال
والعبادل صلب جدي سليطٍ شرها

يومها حيف ومغازي.. لا قفّو بالحلال
الفقيده .. من نطح جمعها او مرّها

محتمين لشمّخ النيب وأمات الجلال
مشبعين الطير والذيب من ما ضرها

يابني عباد يالعزوه الست الثقال
كل بده فيكم تقول لله درّها

شلقه من الاد صاعب تناخو للقتال
وفي نهار الحشوريه خزو مغترّها

يوم انا من عزوة صعيب عسرين المنال
اتمثنى كل صعبه واطاحي عرّها

مهلكٍ نفسي فداها .. ومهلك لاتزال
هامة صعيب الكبيره ومولد سرها

لابةٍ فيها المشايخ وسيعين الظلال
وام فرسانٍ وأسامي .. تحمي ديرّها

مشمخر صعيب فيها ومطغيه الجلال
كنه ياخذ من طبوع الديار اغرها

شف ولدهم بالعزاوي سريع الاشتعال
والكبير يزيدها لين يشعم حرها

والدليل ان الحمايا فعل ماهو يقال
انشدو قصر اليمامه عن اللي مرها

لبو لدعوة كريمٍ نهار الاحتفال
واكحلو عين الحسود ودموعه ثرها

في حفل راع المواجيب حماي التوال
راعي الدسمه .. اخير العرب واشرها

مرحباه يشوفها الضيف من قبل المقال
والبشاشه اجزل ابناء القرا و أبرها

ذاك ابوي وتاج راسي ومحمود الخصال
بسم ابوه اكرم ضيوفه وقام يبرها

شيخ فعلٍ مايحب التكرم من خلال
دايمٍ تلقى المكارم.. منه ممرها

سمعته من طيب راسه تقول انها لحال
في سيّر اهل المكارم لا شفت سيرّها

فالحجاز اللي انشهر فيه سلسلة الجبال
سِجل ابو عماد حاجز جديد فـ بَرها

والله ان صفّت خوانه على جنبه تقال
صفة جبال السراوات وانت تمرها

في وهج حفلك ياعبدالله الليله حلال
اشعل فشهب القصايد على مخضرها

وابتجح يا خوك وافرح وحفلك كرنفال
حفلةٍ تجمع محبين لله درها
—

-

الشاعر / عماد المهلكي
المنشد/ ماجد خضير

Видео شيلة العزوه الست الثقال كلمات عماد المهلكي أداء ماجد خضير канала قناة العفراني الهذيلي البقمي