Qara ciyərinizi bu yolla tər-təmiz saxlayın

Qaraciyəri təbii yolla təmizləyən 6 qida məhsulu
Elə gün olmur ki, köhnə yaxud da boyat nəsə yeməyək. Üstəlik, yaşadığımz dövrdə təmiz ekologiyadan da söhbət gedə bilməz. Beləcə, hər gün orqanizmimizə müxtəlif tərkibli maddələr daxil olur. Buna görə də özümüz öz qeydimizə qalmalıyıq. İmmunitetimizi artırmağın təbii üsullarını öyrənməliyik.
Qaraciyərimiz bədənimizdəki toksinlərin atılmasında əvəzsiz rola malikdi. Yediyimiz-içdiyimiz nə varsa, birbaşa qaraciyərə təsir edir. Bir növ, qaraciyəri bədənimizin gömrük məntəqəsi hesab etmək olar…
Qaraciyərimizin sağlamlığı üçün gündəlik qida rasiounumuza lazımi ərzaqları əlavə etməliyik.
1. Sarımsaq. Qaraciyər üçün faydası çoxdu. Sarımsaqda antioksidan təsirə malik olan selenium var. Tərkibindəki B6 vitamini iltihab əleyhinə əla vasitədi. Sarımsaqdakı arginin maddəsi amin turşularının bir növüdü və qan-damar sisteminə xeyirlidi. Damarlar nə qədər sağlamdırsa, qaraciyərdən qan axışı o qədər rahat olur.
2. Üzüm. Tərkibindəki C vitamini bədəndə Glutation adlı antioksidanın yaranmasını təmin edir. Glutation da öz növbəsində protein və müxtəlif kimyəvi maddələrin yaranmasına, hormon yenilənməsinə və hüceyrələrin bərpasına, immun sisteminin möhkəmlənməsinə kömək edir. Beləcə, qaraciyər çox gücə düşmür.
3. Göyərtilər. Bədənimizə hava və ya su içmək, yemək yeməklə daxil olan zərərli kimyəvi maddələri, həşərat dərmanlarını neytrallaşdırır. İspanaq, qara zəncirotu, tərə gündəlik qida rasionumuzda olmalıdı. Bu göyərtilər həzm prosesini sürətləndirir. Bədən öz artıqlarını daha rahat atır. Çuğundur qanın təmizlənməsinə kömək edir. Beləcə, qaraciyərin işi asanlaşır. Brüssel kələmi və brokoli də toksinlərin xaric olunması üçün əla vasitədi.
4. Avokado. Başqa bir deyimlə super meyvə. Glutation, E və C vitamini ilə zəngindi. Bunlar qaraciyəri toksinlərdən qoruyan təbii vasitələrdi. Avokadonun tərkibindəki E və K vitaminləri birləşərək iltihab əleyhinə əsl silah rolunu oynayırlar. Avokado yağı xolestrol səviyyəsini stabilləşdirir.
5. Qoz. Tərkibi arginin ilə zəngindi. Amin turşularının bu növü qaraciyəri amonyakdan təmizləyir. Qozda qaraciyər hüceyrələrinin yenilənməsinə təsir edən Omega 3 də var. Həmçinin, qoz antioksidan mənbəyidi. Tərkibindəki doymamış yağlar qaraciyərin piylənməsinin qarşısını alır.
6. Sarıkök. Tərkibindəki kürkümin maddəsi antioksidan və iltihab önləyici xassəyə malikdi. Həzm sistemi problemlərinin tez bir zamanda aradan qalxmasına kömək edir. Qaraciyəri təmizləyir. İmkan vermir ki, alkoqol və ya toksinlər qaraciyər hüceyrələrini zədələsin.
Demədi Demə kanalına abunə olmağı unutmayın. Hər həftə sizə daha maraqlı videolar təqdim edəcəyik.

Видео Qara ciyərinizi bu yolla tər-təmiz saxlayın канала Demədi Demə