Нома ба Озода Рахмон - Модари Абдурахмонро озод кунед!

Видео ва матни нома аз расонаи https://zindoniyon.com ки видеояш аз канали @BBC Persian гирифта шудааст.

Мавҷуда Соҳибназарова дар гуфтугӯ бо ВВС-форсӣ: “Мо хостем, ҳам Озодаро табрик бигӯем ва ҳам таваққӯъ дорем, як армуғон ва тӯҳфае аз сӯи ӯ дар ин рӯз шавад”

Машрӯҳи ин нома ба шарҳи зерин аст:

“Ба Роҳбари Дастгоҳи иҷроияи Президенти Ҷумҳурии Тоҷикистон, Зан-Модар, Раҳмон Озода Эмомалӣ

Аз номи шуморе аз занони тоҷикистонии муқими хориҷи кишвар

Ассалому алайкум

Номае, ки ба Шумо менависем, пеш аз он ки ба Роҳбари Дастгоҳи иҷроияи Президенти Ҷумҳурии Тоҷикистон бошад, ба як Зан-Модар аст. Зан-Модаре, ки медонад, Модар яъне кӣ ва медонад, Зан будан яъне чӣ. Асосан, чистии Зан будан ва кистии Модар буданро фақат як Зан-Модар мефаҳмад, намешавад онро бо қалам ба баён кашид. Бояд Зан буд, то моҳият ва ҳақиқати Зан-Модар буданро дарк ва ламс кард. Ва мо — нависандагони ин нома, сарфи назар аз гароишҳои сиёсӣ ва дар ду қутби мухолиф қарор дошдани мо бо Шумо дар олами сиёсат – яқин дорем, ки Шумо эҳсоси Зан-Модар буданро доред ва отифаи Модар будан ҳаргиз аз як зан – агар ӯ воқеан Зан-Модар аст – салб намешавад.

Бигзарем. Сабаби навиштани ин нома ба Шумо, бо ин ки пештар ҳеч вокунише мутаассифона аз сӯи Шумо ба нома ва дархости Нилуфари Раҷаб (духтари зиндонии сиёсӣ) нашуда буд – ва мо ба яқин мегӯем, мардҳо он номаро ба Шумо нарасондаанд, ки агар мерасонданд, қатъан вокуниш аз ҷониби Шумо сурат мегирифт – аввалан, табрику таҳниати Шумо ба 8 март, Рӯзи байналмилалии бонувон аст.

Ва сониян, чанде пеш, ниҳодҳои амниятӣ ва интизомии Ҷумҳурии Тоҷикистон як Зан-Модарро ба хотири фаъолиятҳои писари болиғаш, ки 25 сол син дорад ва дар кишвари Олмон ба сар мебарад, ба иттиҳоми “ифротгароӣ” боздошт ва зиндонӣ кардаанд, дар ҳоле, ки худи мақомоти ниҳодҳои номбурда ба ин ҷавон тасреҳ кардаанд, ки мо модаратро ба хотири фаъолиятҳои ту боздошт кардаем. Яъне, модари ту ҳеч гуноҳ ва айбе надорад, ки ба хотири он аввал аз кор ронда шавад ва сипас боздошт ва ба гарданаш иттиҳоми “ифротгароӣ” бор карда шуда ва зиндонӣ гардад, балки иллаташ, ту ва фаъолиятҳои туст.

Манзурамон, бону Шоҳида Маҳмадҷонова аст, ки шояд аз ҷараёни боздошт ва зиндонӣ шудани ин Зан-Модари мазлум огоҳ бошед.

Қарор аст, ба зудӣ додгоҳи ин Зан-Модар баргузор гардида ва ӯ бо иттиҳоми “ифрогароӣ” ва узвият дар “Гурӯҳи 24” – ки фаъолони ин гурӯҳ қотеъона узвияти ин зан дар гурӯҳи мазкурро рад мекунанд – маҳкум ба чанд сол зиндон ва аз озодӣ маҳрум шавад.

Мо номаро ба дарозо намекашем. Ва бешак, итминон дорем, ки манзури моро ба унвони як Зан-Модар мефаҳмед. Шумо метавонед, бо дахолат дар қазияи ин зани мазлум, пеши роҳи беҷиҳат зиндонӣ шудани ин Модарро бигиред. На ин ки хилофи қонун гом бардоштаед. Ҳаргиз! Балки дар сурати дахолат, Шумо пеши роҳи иқдоми комилан ғайриқонуниро гирифтаед. Зеро, асосан, боздошт ва бо иттиҳоми комилан сохта ва бофта зиндонӣ кардани ин бону, як амали ғайриқонунӣ аст.

Шумо, ҳам бо қонунҳои кишвар огоҳед ва ба ҳам бо қонунҳо ва меъёрҳои байналмилалӣ ва рисолаи номзадии шумо, ки аз он ҳимоят кардаед, “Рушди қонунгузорӣ дар бораи ҳуқуқ ва озодиҳои занон дар Тоҷикистон” буда ва ба илова, сафири созмони байналмилалии “Занон – роҳбарони сиёсӣ” низ ҳастед, бинобар ин, ҳатман огоҳед, амале, ки бо ин бону (Шоҳида Маҳмадҷонова) мешавад, комилан ғайриқонунӣ аст.

Дар поён, ба мардоне, ки гумон мекунанд, муроҷиат ба Шумо ҳеч маъное надорад ва Озода Раҳмон бар хилофи хостаҳои падар ва атрофиёни падараш наметавонад гоме бардорад, мегӯем:

Мо ба Зан-Модар будани Озода Раҳмон ҳанӯз бовар дорем ва яқин мекунем, ӯ пеш аз ҳама ва қабл аз он ки Роҳбари Дастгоҳи падараш ва духтари Эмомалӣ Раҳмон бошад, як Зан-Модар аст ва метавонад, пеши роҳи ин зулми ошкор яъне зиндонӣ кардани Шоҳида Маҳмадҷоноваро бигирад.

Бо эҳтиром,

Мавҷуда Соҳибназарова

Бибисоро Кабирова

Нилуфар Раҷабова

Гулбарг Сайфова

Парвина Боева

Гулдаста Раҳмонӣ

Наргис Раҳимова

Омина Исломова

Ёсаман Собитова”

#Озодӣ_ба_модарам!
теги
озода рахмонова, озода рахмонова биография, видео озода рахмонова, эмомали рахмон, ufuq tv, abdurahmon 09, рустам эмомали, ozoda rahmonova, озода раҳмонова, духтари президент, рустами эмомалӣ, تاجیکستان,модари абдурахмон 09, модари абдурахмон озод шуд, казияи модари абдурахмон, гулчини сухан, абдурахмон 09,Шоҳида Маҳмадҷонова

Видео Нома ба Озода Рахмон - Модари Абдурахмонро озод кунед! канала UFUQ tv