Коронавирус кирди: Ўзбекистон энди нима қила олади? O`zbekiston

Коронавирус Ўзбекистонга келди: вирус юқтирганлар сони 8 нафарга етди.

Энди Ўзбекистон уни қандай енгиши мумкин?

Мамлакат камбағал, соғлиқни сақлаш тизими ёмон аҳволда.

Одамлар исириқ, саримсоқ ё қайноқ чойга умид тикишмоқда.

Дорихона ва дўконларда қўлни тозаловчи воситалар ва ниқоблар деярли топилмайди.

Қишлоқ жойларида юз минглаб ўзбекистонликлар учун оддийгина тоза сув топиш муаммо.

Сув топгандан кейин ҳам кўп қишлоқ жойларда уни қайнатиш учун газ ёки ҳатто ток бўлавермайди.

Ўзбекистонда одамларга берилаётган видео маслаҳатлар эса фақатгина Тошкент ва йирик шаҳарларда ишлаши мумкин.

Чунки жўмракдан иссиқ совуқ оқиб турибди, суюқ совун ва қоғоз дастрўмол тасвирланади.

Ўзбекистон аксар қишлоқ ҳудудларида шу оддий қўл ювиш амалини ҳам халқрао тавсияларга мос тарзда бажариш имконсиз.

Мамлакат тиббиёт тизими бу вирусга қарши курашга қанчалик тайёр деган савол эса очиқ.

Чунки Ўзбекистонда касалхонага тушган одам оддий игнадан тортиб барча доригача - ҳамма нарсани ё олиб келасиз, ё сотиб олиш керак.

Президент Мирзиёева ҳам тиббиёт тизимидаги аҳволни кўп гапирган ва бу тизимдаги коррупция ва порахўрликни танқид қилганди.

Коронавирус олдида эса ривожланган давлатлар тиббиёт тизимлари ҳам шошиб қолишмоқда.

Камбағал, тиббиёти абгор ва порахўрлик ботқоғига ботган Ўзбекистон шароитида коронавирусга қарши қандай курашиш мумкин?

Би-би-си журналисти Рустам Қобил Канадада истиқомат қиладиган микробиолог Обид Мамадалиев билан суҳбатлашиб, бу борада ўзбекистонликларни ташвишга солаётган саволларга жавоб излаган.

BBC News O'zbek - BBC News O'zbek tilida, onlayn, TV va ijtimoiy tarmoqlarda

Видео Коронавирус кирди: Ўзбекистон энди нима қила олади? O`zbekiston канала BBC Uzbek