Аяулым Белгібаева | Жапонияда оқу және литий-ионды аккумуляторларды дамыту туралы

Аяулым Белгібаева @kzjin_ayau – Жапонияның Токио Технологиялық Институтында (ТокиоТех) Материалтану және Химиялық Технология факультетінің “Химиялық ғылым және инженерия” мамандығы бойынша 2-курс PhD студенті, @kzphdgirlsunion қазақстандық жас ғалым-қыздар жобасының белсенді мүшесі.
⠀
Аяулым біріккен магистратура+PhD бағдарламасына Жапония мемлекеттік MEXT шәкіртақысын жеңіп алған. PhD-лік ғылыми жұмысының аясында Профессор Изуми Танигучидың жетекшілігімен литийлі және литий-ионды жаңа буын аккумуляторларына арналған, түрлі функционалды қасиеттері бар наноталшықтарды дамытып, синтездеумен аналысады.
⠀
#KzPhDGirlsUnion жобасында PhD дәрежесін алған және PhD-де оқып жатқан тағы да 26 жас ғалым-қыздармен бірге әр бейсенбі сайын инстаграм желісінде оқу және ғылым, кейбір әлеуметтік мәселелер айналасындағы тақырыптарға постар жазып, өзінің тәжірибесімен, білген-түйгендерімен бөліседі.
⠀
Ашық сабақтың бірінші бөлімінде Аяулым Жапонияға оқуға қалай түсуге болатындығы, MEXT шәкіртақысы, жапон университеттерінде оқу мен ғылыми жұмыспен айналысады ерекшеліктері туралы бөліссе, екінші бөлімінде өзінің PhD-лік жобасы, яғни литий-ионды аккумуляторларды дамыту мәселесіне толығырақ тоқталады.

Видео Аяулым Белгібаева | Жапонияда оқу және литий-ионды аккумуляторларды дамыту туралы канала Leadership KZ