18 03 2023 Navruz

Xush kelding Navro'z

Qishning qahratonin kuzatib asta,
Uyg'onar tabiat, borliq ohista.
Qilib tarovating olamga ko'z-ko'z,
Zeb berib yurtimga xush kelding Navro'z!

Bog'larga ko'rk berib ochilgan qiyg'os,
Daraxt gullariga boqib to'ymas ko'z.
Fasli navbahorning chiroyiga xos
Gul kabi ochilib xush kelding Navro'z!

Hayratla boqaman lol qolar aqlim,
Har bahor qaldirg'och qaytar iniga.
Alvon rang adirlar yashnatar qalbim,
Mo'jizalar olib xush kelding Navro'z!

Sening tashrifingdan dillar quvonar,
Axir keltirasan xalqimga rizq-ro'z.
Mehnatkash dehqonlar javlon urishar,
Yurtimga rizq olib xush kelding Navro'z!

Uchtepa tumani axborot-kutubxona markazining axborot-bibliografiya xizmati mutaxassislari 21-mart Navro`z bayrami munosabati bilan “Bahoring muborak elim” nomli videorolik.

@akm_uchtepa
@mutoala_zavqi
https://t.me/UchtepaAKM

Видео 18 03 2023 Navruz канала Uchtepa Public Library