Пыштанай батыр/Деректі фильм/Атырау

17-18 ғасырлардағы елімізді шапқыншы жаулардан қорғап, жерімізді сақтап қалуда ерен ерлігімен аты шыққан қаһарман тұлғаларды әлі күнге дейін анықтап, толық зерттеп болғанымыз жоқ. Олар туралы ақиқат соңғы жылдары ғана жазыла бастады. Солардың бірі қазақ елінің тәуелсіздігі жолында жанкешті шайқастарда қол бастаған жаужүрек батыр Ер Қосайұлы Пыштанай.

Пыштанай Ер Қосайұлы бір ғасыр өмір сүрген. 1693-1793жж. Ол өмірінің жартысын елін қорғау жолындағы сұрапыл жорықтарда өткізген. Ол күллі қазақ елінің егемендігін армандап, жерінің тұтастығы үшін сыртқы жаумен арыстанша арпалысқан хас батыр. Пыштанай батыр қазақ мемлекетінің тарихында аса маңызды рөл атқарған атақты Аңырақай шайқасында қазақ әскерінің бас қолбасшысы Әбілқайыр хан әскерінің мыңбасы әрі ту ұстауышысы болған деседі. Батыр халық аузында аса сабырлы, зор денелі, бура қабақты жан ретінде бейнеленеді. Жеңгелері оның жүріс-тұрысына қарап «Шабанқара» деп атап кеткен екен.

Видео Пыштанай батыр/Деректі фильм/Атырау канала NUR Media