Стояше днесь при Кресте Lament of the Mother of God

Стояше днесь при Кресте Пречистая Девая,
Умиленный плач сподвизаше, сладчашии глас испущаше:

О Свете Пресветлый, Заре присносущная,
Где Твоя зайде красота невечерняя добровидна?

Сыне Мой любезный, сладчайшая доброто,
Где Твой вожделенный лица зрак, краснейшии Свете Мой?

О Божия мудросте, церковная сладосте,
Что се сотвори славное видение, Сыне мой?

О Божий Сыне мой, прекрасная доброта,
Что се вижу зде преславное и ужасное видение?

О свете великии, сладчайшии Исусе,
Где Твоя доброта сокрыся, возлюбленное Чадо Мое?

Увы мне, свете Мой, дражайшая красота,
Како Тя зрю, Христе Царю, на Кресте ныне Тя распята?

О солнце пресветлое, сокрый лучи своя,
Видя своего Создателя неправедно зде ныне страждуща.

Иосифе преблаженне, сними тело Исусово,
Положи его в гробе нове изсечене из камене.

Где Твой зрак пресладкии, сладчайшая доброто,
Како погребу Тя, Боже Мой, безсмертнаго и предвечнаго?

Не рыдай Мене Моя, Мати, востану бо из гроба,
Тебе вознесу со славою превыше всех горних и земных.

Воскресни Боже, Сыне Мой, тридневно от гроба,
Взыди ко Отцу на Небеса, судяй концем всея земли.

Тогда Тебе всяка тварь небесных и земных
Поклонится и прославит Царя веком и Зиждителя всем.

Храм Рождества Богородицы, Самара 20140315

Видео Стояше днесь при Кресте Lament of the Mother of God канала HomiliaTV