Heart Touching Kalam || Mazhar e Noor e Khuda

Verse 1
Ae Mazhar-e-Noor-e-Khuda, Ahlan-wa-Sahlan Marhaba
Ae Aal-e-Paak-e-Mustafa, Ahlan-wa-Sahlan Marhaba

Verse 2
Khursheed-e-Anwaar-e-Huda, Sultan-e-Mulk-e-Innama
Ae Janasheen-e-Murtaza, Ahlan-wa-Sahlan Marhaba

Verse 3
Tashreef farma jab hue Qur’an-e-Naatiq is taraf
Rooh-ul-Ameen kehne laga, Ahlan-wa-Sahlan-wa-Sahlan Marhaba

Verse 4
Deedar-e-Aqdas ke liye hum dair se thay tashna-lab
Ae Chashma-e-Aab-e-Baqa, Ahlan-wa-Sahlan Marhaba

Verse 5
Jab Yaar-e-Jaani aa gaye, jaanen hui sab farsh-e-raah
Nikli dilon se yeh sada, Ahlan-wa-Sahlan Marhaba

Verse 6
Khursheed-e-Rahat aa gaya, ab zulmat-e-gham mit gayi
Ae dil kaha kar barmala, Ahlan-wa-Sahlan Marhaba

Verse 7
Ae Ilm-o-Hikmat ke chiraagh, ab aap ki tashreef se
Har dil munawwar ho gaya, Ahlan-wa-Sahlan Marhaba

Verse 8
Ik dil naya sa mil gaya, ik jaan nayi si aa gayi
Ab hum mein ae Noor-e-Khuda, Ahlan-wa-Sahlan Marhaba

Verse 9
Deedar ki, guftaar ki yeh lazzatein, yeh rahatain
Sab aap hi ki hain ata, Ahlan-wa-Sahlan Marhaba

Verse 10
Ae Sarwar-e-Rooye-Zameen, ae Baadshah-e-Mulk-e-Deen
Ae Dil-Nasheen-o-Dil-Ruba, Ahlan-wa-Sahlan Marhaba

Verse 11
Tu kaun hota hai Naseer, jo Shah ki midhat kare
Chup ho ke sun sab ki zara, Ahlan-wa-Sahlan Marhaba.
#Newkalam #hearttouchinkalam #Ginan #Ismailiginan #ismailinewkalam #hazirimam #ismailiimamat #sufiyanakalam

Видео Heart Touching Kalam || Mazhar e Noor e Khuda канала Ruhani Roshni