Eko havo tozalovchi qurilma: maktab laboratoriyasidan amaliyotga qadam

➖ Namangan tumanidagi ixtisoslashtirilgan maktabning fizika fani o‘qituvchisi Ilyosxon G‘ulomov va uning shogirdlari ekologik jihatdan samarali “Eko havo tozalovchi qurilma”ni ishlab chiqdi. Ikki oy davomida olib borilgan ilmiy izlanishlar natijasida havo tozalovchi uskuna to‘liq yig‘ilib, amaliy foydalanish uchun tayyor holatga keltirildi.

◀️ Qurilma 220 V elektr kuchlanishida ishlaydi va bir soat ichida 80 m³ maydondagi havoni chang zarrachalari hamda ayrim radioaktiv izotoplardan tozalaydi. Maxsus ultrabinafsha lampalari havodagi bakteriyalarni 98% gacha zararsizlantiradi.

✔️ Mazkur innovatsion ixtiro o‘rnatilgan plastinkalar orqali o‘zini-o‘zi quvvatlash tizimi bilan boshqa muqobillaridan ajralib turadi, bu esa energiya sarfini sezilarli darajada kamaytiradi. Shu bilan birga, qurilmaning soddaligi va ekologik xavfsizligi uni keng jamoat joylarida qo‘llashga imkon beradi.

✍️ Hozirda maktab jamoasi mazkur ishlanmani takomillashtirish, texnik yangilash va patentlash ishlarini olib bormoqda. Ushbu loyiha yoshlarning ilm-fanga qiziqishini oshirish bilan birga, respublika miqyosida ekologik muammolarga innovatsion yechim sifatida qo‘llanilishi mumkinligi bilan ahamiyatli.

#havotozalagich
#havo
#tozalagich
#idea
#challenge

Видео Eko havo tozalovchi qurilma: maktab laboratoriyasidan amaliyotga qadam канала Maths intellekt82