ತುಳುನಾಡಿನ ಇತಿಹಾಸದಲ್ಲಿ ಮೊದಲ ಬಾರಿಗೆ ನಡೆದ ರಕ್ತೇಶ್ವರಿ ದೈವದ ಧರ್ಮ ನಡಾವಳಿ|Raktheswari Daiva Dharma Nadavali

ರಕ್ತೇಶ್ವರಿ (ಲೆಕ್ಕೆಸಿರಿ) ಧರ್ಮ ನಡಾವಳಿ, ಉದಯಗಿರಿ-ಸಂಪ್ಯ, ಪುತ್ತೂರು "
ಸುಮಾರು 800 ವರ್ಷಗಳ ಹಿಂದೆ ಬೆಳ್ತಂಗಡಿಯ "ಅಂತರಂಗ ಬೂಡು, ದೇವರಂದ ಇಲ್ಲ್" ಎಂಬ ಮನೆಯಲ್ಲಿ 'ಉಪದೇಶಿ ಬಾಳೋಲಿ'ಗಳಿಗೆ ತನ್ನ ಕುಟುಂಬವನ್ನು ಕಾಯಲು, ಊರನ್ನು ರಕ್ಷಿಸಲು ದೈವ ಬೇಕೆಂದು ಅಪೇಕ್ಷೆಯಾಗುತ್ತದೆ. ಇವರು ಒಳ್ಳೆಯ ದಿನವನ್ನು ನೋಡಿ ವರ್ಷದಲ್ಲಿ ಒಂದು ದಿನ ಬರುವ 'ಉಬಾರ ಮಖೆಗೆ' ಹೋಗಲು ತಯಾರಿ ನಡೆಸುತ್ತಾರೆ. ದಿನ ಸಮೀಪವಾದ ಹಾಗೆ ತನ್ನ ಮನೆಯಿಂದ ಹೊರಟು ಶ್ರೀ ಕ್ಷೇತ್ರ ಉಪ್ಪಿನಂಗಡಿಗೆ ಬರುತ್ತಾರೆ. ಇದನ್ನು ತುಳುವಿನಲ್ಲಿ 'ಪೆರಿಯಳ್ಳ ಗಂಗೆ' ಎನ್ನುತ್ತಾರೆ. ಇಲ್ಲಿ ಇವರು ದೈವದ ಸೇವೆ, ದೇವರ ಸೇವೆ ನೋಡಿ ಪುಳಕಿತರಾಗಿ ಇಲ್ಲಿಯ ಕರ್ತರೊಡನೆ ತನಗಾಗುವ ದೈವ ಬೇಕೆಂದು ಕೇಳಿಕೊಂಡಾಗ ಕರ್ತವರು ಹೊಸ ದಲ್ಯದಲ್ಲಿ, ಇಡಿ ಹಿಂಗಾರದ ಹಾಳೆಯಲ್ಲಿ ದೈವವನ್ನು ಜಪಿಸಿ ಕೊಡುತ್ತಾರೆ. ಆ ದೈವವೇ ಭೂಮಿ ತೂಕದ ಕನ್ಯಾವು ಲೆಕ್ಕೆಸಿರಿ (ರಕ್ತೇಶ್ವರಿ). ಹೀಗೆ ಇವರೊಡನೆ ದೈವ ಇವರ ಮನೆಗೆ ಬರುತ್ತದೆ. ಇವರು ಭಕ್ತಿಯಿಂದ ನಂಬುತ್ತಿದ್ದ ಹಾಗೆ ದೈವದ ಸಾನಿಧ್ಯ ಹೆಚ್ಚುತ್ತಾ ಹೋಗುತ್ತದೆ. ಕಾಲಾ ನಂತರದಲ್ಲಿ ಇವರ ದಿನ ಕಳೆದು ಇವರ ಪೀಳಿಗೆಯಲ್ಲಿ ಹುಟ್ಟಿದ ಶಂಕರ ಸೇನವರೆಂಬವರ ಮಗ ಬಾನು ಸೇನವರಿಗೆ ಈ ಸತ್ಯದ ಶಕ್ತಿಗೆ ನೇಮ ಕೊಡಬೆಂದು ಮನಸಾಗುತ್ತದೆ. ಹೀಗೆ ಇವರು ವೀಳ್ಯದೆಲೆಯ 16 ಬಾಗಿಲಿರುವ ಚಪ್ಪರ ಹಾಕಿಸಿ, ಕಬ್ಬಿನ ಅಡ್ಡ ಸಿಕ್ಕಿಸಿ 16 ಬಾಗಿಲಿನಲ್ಲಿ 16 ಬಗೆಯ ವಸ್ತುಗಳನ್ನು ಇರಿಸಿ, ಬೆಲ್ಲದ ಒಲೆಗೆ ಗಂಧದ ಕಟ್ಟಿಗೆ, 16 ಮುಡಿ ಅಕ್ಕಿಯ ಚರ್ವ, 16 ಗಂಟು ಬಿದಿರಿನ ಸಿರಿಮುಡಿ ಕಟ್ಟಿಸಿ ಶ್ರೀ ದೈವವನ್ನು ಒಲಿಸಲು ಮಾಡಿದ ಮಹಾ ಸೇವೆಯೇ ಈ "ಧರ್ಮ ನಡಾವಳಿ". ಸಾವಿರ ಬೊoಡ, ಸಾವಿರ ಸೇರು ಹೊದಲು, ಸಾವಿರ ಬಾಳೆಹಣ್ಣು, ಸಾವಿರ ಕೊಡಪಾನ ಕುರುದಿ ಮೂಲಕ ಆ ಕಾಲದಲ್ಲಿ ಬಾನು ಸೇನವರು ಶ್ರೀ ದೈವದ ಕೃಪಾಕಟಾಕ್ಷಕ್ಕೆ ಪಾತ್ರರಾದರು. ಇಡೀ ರಾತ್ರಿ ಈ ಸೇವೆಯನ್ನು ನಡೆಸಿದಾಗ ದೈವವು ಭೂಮಿಯಿಂದ ಆಕಾಶಕ್ಕೆ, ಆಕಾಶದಿಂದ ಭೂಮಿಗೆ ಸಂತಸದಿಂದ ಕುಣಿಯಿತೆಂಬ ಇತಿಹಾಸವಿದೆ. ಈ ಮಹಾಸೇವೆಯಿಂದ ಬಾನು ಸೇನಾವರ ಕುಟುಂಬ ಮತ್ತು ಇಡೀ ಊರೇ ಉದ್ದಾರವಾಗಿತ್ತಂತೆ. ಆದರೆ ಮತ್ತೆ ಇಂತಹ ಸೇವೆ ಯಾರಿಂದಲೂ ಎಲ್ಲಿಯೂ ನಡೆಸಲಾಗಲಿಲ್ಲ. ಇದಕ್ಕೆ 'ಗುರ್ಜಿ ನೇಮ' ಎಂದೂ ಹೆಸರಿದೆ. ರಾತ್ರಿ ಪ್ರಾರಂಭವಾದ ನೇಮ ನೋಡಿ ಮುಂಜಾನೆ ದೈವ ಕೊಡುವ ಸಿರಿಮುಡಿ ಗಂಧ ಬೂಳ್ಯ ಸ್ವೀಕರಿಸಿದರೆ ಜನ್ಮ ಪಾವನ ಎಂಬುದು ತುಳುವರ ನಂಬಿಕೆ.
#dharmanadavali
#raktheswari
#tulunaduculture
#daiva
#dharmadaiva
#guliggadaiva
#kantharamovies
#kola

Видео ತುಳುನಾಡಿನ ಇತಿಹಾಸದಲ್ಲಿ ಮೊದಲ ಬಾರಿಗೆ ನಡೆದ ರಕ್ತೇಶ್ವರಿ ದೈವದ ಧರ್ಮ ನಡಾವಳಿ|Raktheswari Daiva Dharma Nadavali канала Star Of Mangalore