Ĕçсене палăртрĕç

Регион ертӳçи Олег Николаев Раççей экологи пĕрлешĕвĕн председателĕпе Рашид Исмаиловпа тĕл пулчĕ. Калаçăвăн тĕп тĕллевĕ – Чăваш Енри 2024-мĕш çулхи Экологи культурин тата çут çанталăкпа перекетлĕн усă курмалли çулталăкра туса иртермелли ĕçсене палăртасси пулчĕ. Тĕлпулура Олег Николаев Чăваш Республики экологи тĕлĕшĕнчен ăнăçлă регион пулнине палăртрĕ. «Çапах та лăпланса лармаллине пĕлтермест. Çут çанталăка упрама, унпа тĕрĕс усă курма пĕлмелле. Çакна тума «Экологи» наци проекчĕпе килĕшӳллĕн пурнăçланакан пуçарусем те пулăшаççĕ», – терĕ регион ертӳçи. Раççей экологи пĕрлешĕвĕн председателĕ Рашид Исмаилов Чăваш Ен экологине аталантарас енĕпе хăйĕн шухашĕсемпе паллаштарчĕ. Çитес çулăн иккĕмĕш пайĕнче стратегиллĕ сесси йĕркелеме хатĕрри çинчен пĕлтерчĕ. Шыв объекчĕсене пысăк тимлĕх уйăрĕç. Халăхăн, çамрăксен çут-çанталăк умĕнчи яваплăхне ӳстерес тĕлĕшпе те тăрăшĕç. Чăваш Енре çăлкуçсен цифра картине хатĕрлеме палăртрĕç. Çавăн пекех Рашид Исмаилов Чăваш Ен «Экологи» наци проектне пурнăçлассипе та малтисен ретĕнче. «Таса çĕршыв» федераци пуçарăвепе республикăра тăватă çӳп-çап купине пĕтернĕ.

Видео Ĕçсене палăртрĕç канала Национальное телевидение Чувашии