Əsas xəbərlər 01.03.2021 (Musa Media)

Xocalı soyqırımını unutmamalı, səbəblərini anlamalı və qiymətləndirməliyik. Axı bunun səbəbləri ermənistanlılar və azərbaycanlılar arasındakı münaqişə deyil. İkinci Qarabağ müharibəsində qalib gələn Azərbaycan erməni xalqını da azad edib.
Axar.az xəbər verir ki, bunu tanınmış rus jurnalist, ictimai xadim Maksim Şevçenko Moskvada Xocalı soyqırımı qurbanlarının xatirə gecəsində çıxışında bildirib.
O qeyd edib ki, ermənilər bunu nə vaxtsa dərk edəcək:
“Düşünürəm ki, onlar artıq bunu dərk etməyə başlayıblar. Cənubi Qafqaz əməkdaşlıq zonası olmalıdır. İnsanlar döyüşməməli, Strabon və Herodotun dövründə burada kimin yaşadığını düşünməməlidirlər. Əksinə, onlar yolların necə qurulacağını, turistlərin necə cəlb olunacağını, ortaq müəssisələrin necə açılacağını düşünməlidirlər. Sərhədlər açılmalı, insanlar millətçilikdən imtina etməlidirlər".
Rus jurnalist II Qarabağ müharibəsi zamanı Gəncəyə edilən raket hücumunun Xocalının davamı olduğunu qeyd edib:
“Mən Gəncədə, dəhşətli "Skad" raketlərinin düşdüyü yerdə oldum. Ətrafda heç bir hərbi obyekt yox idi. Mülki insanları terrorla məhv edən bir silah idi. Bu payız Gəncədə baş verənlər Xocalının davamıdır. Bu beynəlxalq səviyyədə Rusiya, Ermənistan və Avropada layiqincə qiymətləndirilənə qədər davam edəcək.
Hörmətli azərbaycanlılar, biz, rus xalqının nümayəndələri və dünyanın ağlı başında olan insanları nasizm və irqçiliyə qarşı mübarizədə sizinləyik. Xocalı soyqırımının ildönümü sadəcə matəm günü deyil, eyni zamanda mübarizəmizin davamıdır. II Qarabağ müharibəsi təkcə torpaqları işğalından azad etmək deyil, eyni zamanda vaxtılə babalarımızın da uğrunda vuruşduğu nasistlərə qarşı müharibə idi. Təəssüf ki, bu gün Rusiyada ikili standartlar mövcuddur. Azərbaycanlı bəzi jurnalistlər bu məsələdəki prinsipial mövqeyi səbəbindən iş yerlərini itirirlər. Millət vəkili Vitali Milonov açıq şəkildə Azərbaycan xalqını təhqir edir, nasizm açıqlamaları verir. Lakin Rusiyanın özündə heç bir qınama görmürük".
M.Şevçenko Xocalı faciəsinin nasistlər tərəfindən törədilmiş bir hərbi cinayət olduğunu da vurğulayıb:
“Bunu etnik təmizləmə məqsədi ilə ediblər. Bu cür cinayətlərə Nürnberq tribunalında baxılır. Xocalı soyqırımını qiymətləndirmək lazımdır. Hesab edirəm ki, bunu beynəlxalq səviyyədə etmək lazımdır. Bu, Ermənistan-Azərbaycan məsələsi deyil. Əminəm ki, gələcəkdə bir çox erməni təfərrüatı öyrəndikdən sonra Xocalı faciəsini nifrət hissi ilə xatırlayacaq. Düşünürəm ki, erməni xalqı nasistlərin Xocalıda etdiklərini öyrəndikdən sonra bu qüvvələrdən imtina edəcəklər. Buna görə Xocalı soyqırımının beynəlxalq səviyyədə tanınmasına nail olana qədər bu faciəni hər gün xatırlamalıyıq. Bu, ermənilərə qarşı deyil, azərbaycanlıların lehinə də deyil, nasistliyə, insanlığa və ədalətə qarşıdır".
Moskvada Azərbaycan, Ermənistan və Rusiyanın baş nazirlərinin müavinlərinin üçtərəfli görüşü keçirilib.
Axar.az xəbər verir ki, görüşün iştirakçıları Qarabağın inkişafı planlarını müzakirə ediblər.
Bundan əlavə, həm avtomobil, həm də dəmir yolu nəqliyyatı ilə bağlı ekspertlərin hesabatları nəzərdən keçirilib. Sərhəd, gömrük nəzarəti də daxil olmaqla, daşımalara nəzarət də müzakirə edilib.
Qeyd edilir ki, işçi qrupun növbəti iclası martın 1-i videokonfrans formatında keçiriləcək.
Ermənistan prezidentinin Baş Qərargah rəisi Onik Qasparyanın vəzifədən azad edilməsi haqda təqdimatımdan imtina etməsi barədə qərarı anlaşılmazdır.
Publika.az Axar.az-a istinadən xəbər verir ki, bu sözləri baş nazir Nikol Paşinyan Feysbukda canlı yayım edərkən deyib. O bildirib ki, bu mövzuda vətəndaşlarla 1 mart mitinqində danışacaq.
Paşinyan 1 mart mitinqində yeni qarşıdurmalar olacağı barədə yayılan məlumatları təkzib edib. O deyib ki, 1 mart faciəsinin təkrarlanması mümkün deyil.
O, mitinqdə Armen Sərkisyanın təqdimatdan anlaşılmaz imtinası, 1 martla bağlı istintaqın gedişi, həmçinin hərbi qiyam cəhdi haqda danışacağını vurğulayıb:
“Mən göstərəcəyəm ki, prezidentin qərarı əsassızdır, heç bir qanuna sığmır və bu, çox ciddi danışıq olacaq”.
O, Baş Qərargahın siyasi bəyanatının tam qəbuledilməz olduğunu qeyd etməklə bərabər, bir müddət öncə Ali Məhkəmə Şurasının da analoji addımını unutmamaq gərəkdiyini deyib.
Qeyd edək ki, Armen Sərkisyan Qasparyanın vəzifədən azad edilməsi barədə baş nazirin təqdimatını geri qaytarıb. Təqdimat geri qayıdan kimi Paşinyan dərhal ikinci təqdimatı göndərib və Sərkisyanın təqdimatdan imtinasının ölkədəki stabilliyə xidmət etmədiyini bildirib.
N.Paşinyanın mitinqi sabah saat 18:30-a təyin edilib.

Видео Əsas xəbərlər 01.03.2021 (Musa Media) канала Musa Media