QUSARLI ANA VƏ OĞUL DADLI YEMƏKLƏRİ İLƏ DÜNYADA MƏŞHURLAŞDI

Onlar Azərbaycan və ləzgi mətbəxini dünyaya tanıtdıqlarına görə çox sevinir
Qusarın Hil kəndində yaşayan Rəmixanovlar ailəsinin hazırladığı ləziz yeməklərin videoçəkilişləri sosial şəbəkələrdə milyonlarla izləyicinin marağına səbəb olub.
videoların qəhrəmanı Əzizə xala və oğlu Əmiraslan peşəkar aşpazdırlar
Əmiraslan Rəmixanov COVID-19 pandemiyası ilə əlaqədar karantin rejimi tətbiq olunana qədər Bakı şəhərindəki restoranların birində aşpazlıq edirdi. Əzizə xala isə Hil kəndinin toy mərasimlərinin ən adlı-sanlı yemək bişirənidir.
Pandemiya dövründə doğma kəndinə qayıdan Əmiraslan sevdiyi peşəsindən kənar qalmayıb. Anası ilə bərabər Azərbaycan, ləzgi və dünya mətbəxinin müxtəlif təamlarını bişirərək, yeni açdığı “Kənd Həyatı” adlı “YouTube” kanalına yükləməyə başlayıb.
Paylaşılan videolar İngilis, rus, hətta Çin dilində subtitrlərlə yerləşdirilir ki, bu da, daha geniş auditoriyanı əhatə etməyə imkan verir.
Qısa müddətdə 65 mindən çox abunəçi toplayan kanalın videoları sosial şəbəkələrdə dünyaca məşhur yemək səhifələrinin diqqətini çəkib. Məsələn, 26 milyondan çox izləyicisi olan “Taste Life” səhifəsi qusarlı aşpazların 10-a qədər videosunu paylaşıb. Həmin videoların hər birinə 10-15 milyon izləyici baxıb. Videoya baxanlar Azərbaycanın milli mətbəxi haqqında müsbət rəylər yazıblar.
Əzizə Rəmixanova bildirir ki, yaşadığı kənddən kənara çıxmadan Azərbaycan və ləzgi mətbəxini dünyaya tanıtdıqlarına görə çox sevinir.
Rəmixanovlar ailəsi yemək videolarını kəndlərinin yaxınlığında yerləşən özlərinə məxsus əkin sahəsinin kənarında çəkirlər. Çəkiliş maraqlı olsun deyə dekorativ görünüşlü kiçik koma da tikilib. Əsasən tərəvəzçiliklə məşğul olan ailə həftə ərzində iki yemək videosu hazırlayır. Bişirilən yeməklərdə özlərinin becərdiyi tərəvəzlərdən istifadə olunur.
Bostanda çəkilişlər aparmaq isə oglu Əmiraslan Rəmixanov fikridir. ƏmiraslanCOVID-19 pandemiyası ilə əlaqədar karantin rejimi tətbiq olunana qədər Bakı şəhərindəki restoranların birində aşpazlıq edirmiş.

Видео QUSARLI ANA VƏ OĞUL DADLI YEMƏKLƏRİ İLƏ DÜNYADA MƏŞHURLAŞDI канала Qafqaz TV