Сұлтан Сүлейменнің қабірін қалай таптық? / Тылсымға толы Түркия // Марфуға ШАПИЯН

Сұлтан Сүлейменнің қабірін қалай таптық?

Түркиядағы маңыздылығы жағынан екінші (Сұлтан Ахмет мешітінен кейінгі), әдеміділігі жағынан бірінші орында деседі, бұл мешітті. Ыстамбұлдағы бір-ақ мешітті көресің десе, осы мешітті таңдар едік депті туристер жағы. Ауылда Сұлтан Сүлейменнің сериалын жата-жастана көретін бір апа немерелеріне "Хюрем сұлтан жатқан жерге апар" дейтін көрінеді осы мешіттің жанындағы қабірлерді меңзеп.
⠀
Сөйткен Ыстамбұлдағы атақты мешіт, XVI ғасырға тиесілі сәулет өнерінің керемет туындысы Сүлеймение мешітін көру бізге де бұйырды. Адамдар айтса айтқандай, сондай бір әдемі, көркем мешіт екен. Атақты Сүлеймен сұлтан қазынасын құйып тұрып салдырған. Синан атты шебердің қолынан шыққан. Мешіт құрылысы біткеннен кейін көруге келген Сүлеймен сұлтан таңдай қағып: "Мына мешіт ақырзаманға дейін тұратын мешіт қой!" деген екен. Айтса айтқанындай арада 5 ғасырдан астам уақыт өтсе де, мешіт қабырғасы сол қалпы. Тіпті бір рет өртке оранып, көптеген зілзаланы басынан өткерген. Синанның барын салып тұрғызғаны сондай, ішінде құлшылық жасаушыларға күннің нұры төгіліп тұрады деседі.
⠀
Мешіт ішіндегі аура да басқаша. Ерекше тыныштық бар мұнда. Дәл осы мешітке жолымыз түскеніне сондай қуандым. Мешіт артынан теңізге ашылатын көрініс қандай! Қысқасы, бұл жерді көзбен көру керек. Егер Ыстамбұлға жолдарыңыз түссе, ат басын арнайы бұратын орындарыңыз осы болсын 😊
⠀
✔️Қалай баруға болады?
🌸Трамваймен Бязид аялдамасынан түсіп, сол жерден оңай табуға болады. Сұлтан Ахмет мешітіне жақын, Ыстамбұл университетіне қарама-қарсы. Гранд Базарды нысанаға алсаңыздар да қателеспейсіздер.

#түркия #сулеймение #стамбул

МЕНІ МЫНА ӘЛЕУМЕТТІК ЖЕЛІЛЕРДЕН ТАБА АЛАСЫЗДАР:

*facebook: https://www.facebook.com/marfugashapian
*vk: https://vk.com/marfugashapian
*instagram: https://www.instagram.com/marfugasha...
*telegram: https://t.me/marfugashapian
*блог: http://marfugashapian.islam.kz/kk/#gs...

Хат жіберу үшін пошта: marfuga21@gmail.com

Видео Сұлтан Сүлейменнің қабірін қалай таптық? / Тылсымға толы Түркия // Марфуға ШАПИЯН канала Марфуға ШАПИЯН