Жамбылдағы жойқын жарылыстан соң із-түссіз жоғалып кеткен Бауыржан Дәуітбаев әлі табылған жоқ

Жамбыл облысында әскери қоймадағы жойқын жарылыстан соң із-түссіз жоғалып кеткен Бауыржан Дәуітбаевтің отбасына әзірге өтемақы төленбейді. Облыс әкімі Бердібек Сапарбаев сержант мәйіті осы күнге дейін табылмағандықтан, заң бойынша жәрдемақы тағайындауға хақысы жоқ екенін жеткізді. Қазір хабар-ошарсыз кеткен Бауыржанды іздестіру жұмыстары жалғасып жатыр. Сондықтан, тиісті өтемақы тек іздестіру шаралары аяқталған соң комиссияның шешімі бойынша беріледі. Әкімнің айтуынша, жарылыстан кейінгі әлеуметтік көмекке 15 миллион теңге бөлінген. Еске салсақ, 26 тамызда Жамбыл облысы Байзақ ауданындағы әскери қойманың бірінде өрт тұтанып, жарылыс болған еді. Төтенше жағдайдан 17 адам қайтыс болып, өрт сөндіруге шыққан 34 жастағы сержант Бауыржан Дәуітбаев сол күйі хабар-ошарсыз кеткен еді.
БЕРДІБЕК САПАРБАЕВ, Жамбыл облысының әкімі:
– Оның осы уақытқа тірі екенін, өлі екенін біз білмейміз. Қайтыс болғанын. Өйткені себебі біздің оған дәлеліміз жоқ. Біз ол азаматтың ата-анасымен сөйлескенбіз. Барлығын түсіндіріп айтқанбыз. Қазір енді әлі де болса зерттеу жұмыстары, анықтау жұмыстары сол жарылыс болған жерде, соның қасындағы елдімекендерде анау тауға дейін өзінің жалғасын тауып жатыр.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар #Ақиқатын_Айтайық

Видео Жамбылдағы жойқын жарылыстан соң із-түссіз жоғалып кеткен Бауыржан Дәуітбаев әлі табылған жоқ канала Информбюро 31