Ən yüksək postda həlak olan şəhidimiz

Şəhid Ruhid Uğur oğlu İslamlı
#Şəhidimİz
#Şəhid_Ruhid_İslamlı
#şəhidimiz

Vətən Müharibəsinin daha bir şəhidi Ruhid Uğur oğlu İslamlıdır. Gənc psixoloq 1999-cu il aprelin 3-də Lerik rayonunun Çeşman kəndində anadan olub.

Ailəsi deyir ki, o, istər məktəb, istərsə də universitet illərində ictimai işlərdəki fəallığı ilə seçilib. İştirak etdiyi tədbirlərdə milli ruhlu şeirləri, çıxışları ilə yadda qalıb.

İ. Ruhid 2020-ci il oktyabrın 6-da Ağdərə-Tərtər istiqamətində (Çənlibel postunda) gedən şiddətli döyüşlərdə Azərbaycan Respublikasının ərazi bütövlüyü uğrunda canından keçməklə qəhrəmancasına şəhid olub. Şəhidin nəşi Bakı şəhər Suraxanı Rayonu, Dədə Qorqud qəsəbəsinə gətirilir və orada yerləşən qəbiristanlıqda dəfn olunub.

Prezident İlham Əliyevin imzaladığı Azərbaycan Respublikası Silahlı Qüvvələrinin hərbi qulluqçularının medallarla təltif edilməsi haqqında Sərəncamına əsasən, Azərbaycan Respublikasının ərazi bütövlüyünün təmin edilməsi uğrunda döyüş əməliyyatlarında iştirak etmiş və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirmiş Azərbaycan Respublikası Silahlı Qüvvələrinin hərbi qulluqçusu, Lerik rayonunun Çeşman kəndində anadan olan əsgər Ruhid Uğur oğlu İslamlı ölümündən sonra "Vətən uğrunda" medalı ilə təltif edilib.

06.10.2020
06.10.2021

Видео Ən yüksək postda həlak olan şəhidimiz канала Yolcu Travel