មេរៀនទី២ នាឡិកាវាស់សម្ពាធ​ (Manifold Gauge) តចប់

-នាឡិកាវាស់សម្ពាធខាងទាប (Low Pressure Gauge or Compound Gauge)
នាឡិកាវាស់សម្ពាធខាងទាប គឺជានាឡិកាសម្រាប់វាស់តែសម្ពាធខាងទាប សម្ពាធខាងបឺត ឬ ទុយោខាងបឺត (Suction Line) តែប៉ុណ្ណោះ។ នៅលើមុខនាឡិកានេះមានគំនូសក្រិតគិតជា PSI ចាប់ពី 0 ដល់ 180 PSI ហើយក្នុងនោះក៏មានគំនូសក្រិតពណ៌បៃតងសម្រាប់ធ្វើ សុញ្ញាកាស (Vacuum) ទៀតផង។ គំនូសក្រិតពណ៌បៃតងសម្រាប់ធ្វើសុញ្ញាកាសនេះគឺមានចាប់ពី 0 ដល់ 30 inHg
ហើយយើងអាចសម្គាល់នាឡិកាវាស់សម្ពាធខាងទាបបានដោយសារនាឡិកាវាមានពណ៌ខៀវ ហើយទុយោ និងវ៉ាលរបស់វាក៏ពណ៌ខៀវដែរ។
*ចំណាំ៖
-PSI= Pound Square Inch
-30inHg= 30 អ៊ីញបារ៉ត
-នាឡិកាវាស់សម្ពាធខាងខ្ពស់ (High Pressure Gauge or Pressure Gauge)
នាឡិកាវាស់សម្ពាធខាងខ្ពស់ ឬ សម្ពាធខាងបាញ់ចេញ គឺមានគំនូសក្រិតគិតជា PSI ចាប់ពី 0 ដល់ 500 PSI ហើយគ្មានគំនូសក្រិតសម្រាប់ធ្វើសុញ្ញាកាស (Vacuum) ទេ ដូច្នេះបញ្ជាក់ឲ្យយើងដឹងថា គេមិនអាចធ្វើសុញ្ញាកាសតាមផ្លូវខាងបាញ់ចេញបានទេ (Discharge Line) យើងអាចសម្គាល់នាឡិកាវាស់សម្ពាធខាងខ្ពស់បានដោយសារនាឡិការបស់វាមានពណ៌ក្រហមហើយទុយោ និងវ៉ាលរបស់វាក៏ពណ៌ក្រហមដែរ។

Видео មេរៀនទី២ នាឡិកាវាស់សម្ពាធ​ (Manifold Gauge) តចប់ канала DBK- Electrical