Yekun xəbərlər 25.05.2021 Qarabağı çoxdan QAYTARMALIYDIQ - "Düşmənlər" BİRLƏŞDİ

“Öhdəliklərin yerinə yetirilməsinə dair Rusiya ilə danışıqlar davam edir”.
Yenisabah.az “Armenpress”ə istinadla xəbər verir ki, bunu Ermənistan Milli Məclisinin mayın 25-də keçirilən iclasında parlamentinin sədri Ararat Mirzoyan bildirib.
“Rusiyaya səfərimiz zamanı Dövlət Dumasının sədri ilə bizi maraqlandıran bütün məsələləri çox konstruktiv şəkildə müzakirə etdik”.
Ararat Mirzoyanın sözlərinə görə, Ermənistanın təhlükəsizlik məsələlərinə dair beynəlxalq müqavilələri var. “Düşünmürəm ki, Ermənistanın müttəfiqləri öz öhdəliklərini yerinə yetirmir və ya yerinə yetirməyəcəklər”.
Milli Məclis sədri KTMT-nin müəyyən prosedurlara, mexanizmlərinə sahib olduğunu və Rusiya ilə danışıqların davam etdiyini də diqqətə çatdırıb.
Mirzoyan nikbin qalmağa çağırıb: “Çətin məsələlər həmişə ildırım sürəti ilə həll olunmur. Bəzən soyuqqanlılıq və səbir daha təsirli olur
Əmək və Əhalinin Sosial Müdafiəsi Nazirliyinin (ƏƏSMN) tabeliyində Dövlət Sosial Müdafiə Fondu (DSMF) tərəfindən may ayı üzrə bütün müavinət, təqaüd və kompensasiyaların ödənişi həyata keçirilib.
Bu barədə Oxu24.com-a ƏƏSMN-dən bildirilib.
Müavinət, təqaüd və kompensasiyalar müvafiq kateqoriyalardan olan şəxslərin hesablarına köçürülüb.
Ermənistanın birinci prezidenti Levon Ter-Petrosyanın dediyinə əsasən, guya onun sələfləri Ermənistan adlanan müstəqil dövləti məhv ediblər. Bu, əlbəttə ki, yalandır. Ermənilərin heç vaxt müstəqil və özünü tanıyan dövləti olmayıb.
Axar.az xəbər verir ki, bu barədə erməni politoloqu Qrant Məlik-Şahnazaryan öz Feysbuk səhifəsində yazıb.
“Ter-Petrosyan erməni dövlətinin dağıdıldığını söyləyərkən yalanlar uydurur. Belə şey yox idi. Ermənistan həmişə asılı bir dövlət olub. Bizim heç vaxt müstəqil dövlətimiz olmayıb - nə yaxşı, nə də pis mənada”, - deyə o qeyd edib.
Onun sözlərinə görə, bu gün Ermənistanda çoxları əmindir ki, ermənilər Qarabağ torpaqlarını Azərbaycana çoxdan qaytarmalı idilər:
“Hətta mənə yaxın adamlar da deyirlər ki, biz bu torpaqları Azərbaycana qaytarmağa məcbur idik”, - deyə Məlik-Şahnazaryan yazır.
Ermənistan Qarabağ üzərində nəzarəti itirəndə və kapitulyasiya etmək məcburiyyətində qalanda bütün dünya erməniləri küçələrə çıxdılar, etiraz aksiyaları keçirdilər, qışqırdılar, bağırdılar, amma az vaxt keçdi və hamı başa düşdü, dərk etdi, ermənilər reallığı qəbul etməyə məcbur oldu. İndi Ermənistanda heç kim “arsax”ı xatırlamır, çünki yeni mövzu var.
Axar.az xəbər verir ki, bu barədə erməni siyasi şərhçi Arutyun Avetisyan yazıb.
Onun sözlərinə görə, indi ermənilərin tam olaraq fikri Zəngəzur ətrafında baş verən hadisələrə yönəlib:
“Ermənistanda yenə də Azərbaycan anklavlarının mövzusuna etiraz edənlər çoxdur. Bir müddət sonra hər kəs bunu da unudacaq. Ermənilər Azərbaycanın ərazi bütövlüyünü tanımağa məcbur olacaq”, - deyə erməni ekspert qeyd edib.
Mayın 31-dən etibarən metronun fəaliyyəti bərpa olunur.
Axar.az xəbər verir ki, bu barədə məlumat Operativ Qərargahın bu gün keçirilən brifinqində elan olunub.
31 maydan etibarən açıq havada maskadan istifadə tələbi də ləğv edilir.
Rusiya sülhməramlı kontingenti Dağlıq Qarabağda atəşkəs rejiminə riayət olunmasını izləməyə davam edir. 
“Yeni sabah” xəbər verir ki, Rusiya Müdafiə Nazirliyinin yaydığı xəbərə görə, sülhməramlılar avtonəqliyyat vasitələrinin hərəkətinin, Laçın dəhlizi boyunca ərzaq və müxtəlif malların daşınmasını təmin edir.
"Son bir həftə ərzində Rusiya sülhməramlı kontingentinin məsuliyyət zonasında atəşkəs rejiminin pozulması qeydə alınmayıb, Rusiya hərbçilərinə qarşı təxribat xarakterli addımlar qeydə alınmayıb", - deyə məlumatda qeyd olunur.
"Bizim əsas vəzifəmiz atəşkəs rejiminə əməl olunmasına nəzarət etmək, həmçinin mülki nəqliyyat vasitələrinin hərəkətinin təhlükəsizliyini təmin etməkdir. Bunun üçün nəzarət-buraxılış məntəqələri təşkil olunub, orada bütün nəqliyyat vasitələri qeydə alınıb. Ərazinin sutkalıq monitorinqi həyata keçirilir, mülki nəqliyyat vasitələrinin hərəkətinin təhlükəsizliyi təmin olunur", - deyə nəzarət buraxılış məntəqəsinin komandiri Sergey İvanov bildirib.

Видео Yekun xəbərlər 25.05.2021 Qarabağı çoxdan QAYTARMALIYDIQ - "Düşmənlər" BİRLƏŞDİ канала Musa Media