Ляззат - Қызым, қанатым

==================================================
Еркеледің еліңде
Кіндік кескен жеріңде
Айырбастап барасың
Бал-шағыңды келінге

Қайырмасы:

Қызым, қызым қанатым
Қимай қалды-ау анашың
Тілейді əкең өзіңе-ай
Екі дүние жəннатын

Үзілгендей біртүрлі
Жүрегімнің лүпілі
Берсін аллам өзіңе-ай
Бақытты өмір үкілі

Ұшқалы тұрсың ұядан
Айдай болып толғайсың
Құшақ жайып жарың тұр
Тұғырыңа қонғайсың

Ұрпағын елдің көбейтіп
Ана келін болғайсың
Домалақ ана секілді
Дана келін болғайсың

Үзілгендей біртүрлі
Жүрегімнің лүпілі
Берсін аллам өзіңе-ай
Бақытты өмір үкілі

Ардақтап, жайқалтып
Өсірді сені көкешім
Ардақтай біл атаңды
Ол да бір сенің әкешің
Ойыңа келген сөздерді
Сараламай, ойланбай
Айта салма төтесін
Ибалы келін болсаң сен
Мақсатқа сонда жетесің

Енді біз саған төркінбіз
Жұбыңмен ғана келесің
Алла қосқан жарыңның
Дегеніне көнесің
Тәлім алып енеңнен
Анаңдай оны көресің
Дәм мұңын үйдің сол кезде
Ензі үйге бересің
Ақ бата алсаң солардан
Сонда сен өсіп өнесің

Барған жерің бақ болсын
Қызым жолың ақ болсын
Елің тілер осылай
Сол ел саған жақ болсын

Қызым, қызым құндызым
Жарқыраған жұлдызым
Әке берген өмірде-ай
Оңыңнан тусын жұлдызың
Үзілгендей біртүрлі
Жүрегімнің лүпілі
Берсін аллам өзіңе-ай
Бақытты өмір үкілі
================================================

Видео Ляззат - Қызым, қанатым канала Esen Kalmagambetov