Мұсылмандардың артта қалуының 3 себебі | Шейх Ториқ Суайдан ᴴᴰ

Мұсылмандар неге артта қалды? Мені көптен бері мазалайтын сұрақ және оны жас жігіттер маған үнемі қояды. Шын мәнінде бұл өзекті сұрақ. Егер біз себебін білсек диагнозын қоя аламыз. Диагноздан кейін оны емдеуге кірісе аламыз. Біздің үммет қалай қайта жандана алады? Осыған қатысты бұл өте маңызды және үлкен тақырып болғандықтан, мен оны 2 бөлімге бөлдім. 1-ші бөлімде біздің мұсылмандардың артта қалу факторларын қарастырамыз.

Мен бастағым келетін негізгі кіріспе – бұл артта қалушылық тек мұсылмандарға қатысты, Исламға қатысты емес. Ислам сақтаулы, бұл Алланың мәңгілік діні. Алла Құранда айтты: «Жалған атаулы оған алдынан да, артынан да жақындай алмайды» (Фуссилат, 42), «Құранды біз түсірдік және оның сақтаушысы да Өзіміз» (Хижр, 9). Сол себепті мұсылмандар артта қалды, Ислам емес.

1-ші себебі – шын мәнінде келесі 2 себептің негізі болып табылады. Бұл – ойлау. Ойлау бұл бізге кейіптер мен түсініктердің негізінде бізге шешім шығаруға жәрдем береді. Шешімнен кейін біз сөз бен іске көшеміз. Аллаға шүкір, біздің дініміз бізге таза күйінде жетті. Алла оны бізге сақтады. Алайда кейбір ғалымдардың дін туралы түсінігі қисық. Және олар дұрыс емес білім таратады.

Алланың сөздеріне мән беріп, ақылға салыңыздар: «Алла сендерден иман келтіріп, ізгі іс істегендерге өздерінен бұрынғы өткендерді қалай үстем еткен болса, сендерді де жер жүзіне орынбасар қылуды уәде етті. Сондай-ақ олар үшін өзі разы болған дінін нығайтып, қауіп-қатерден кейін бейбітшілікке айналдырады» (Нұр, 55).

Яғни мүмкіндік береді де, сендерге билік нәсіп етеді. Ал бұл артта қалушылыққа қарама-қайшы ғой. Біз мықты болып, қолымызда билік болса, сол кезде артымыздан адамзатты ерте аламыз. Құдіретті Алла бізді жер бетінде орынбасар қылуды және билік беруді уәде етті. Алайда қайдағы билік, қайдағы орынбасарлық? Құдіретті Алла «Сондай-ақ олар үшін өзі разы болған дінін ұстану мүмкіндігін береді» деп айтты.

Керісінше өздерінің артта қалған көзқарастарымен, құндылықтарымен, ойларымен мақұлдаған ғалымдардың дінін емес. Тура жолдан ауытқымаған және үмметтің мүддесін жеке басының мүддесінен жоғары қоймаған ғалымдардың дінін және олар еркіндікте болып, дербес болып және ешкімнің қолына бағынышты емес ғалымдар. Біз осы ғалымдардың артынан еруіміз керек. Сарай маңын жағалаған ғалымдар емес. Олар Исламды бүркеніп, шын мәнінде діннен алыстатады. Және Исламның атын жамылып, бізді артта қалдырады.

Исламның атын жамылып, бізге бәрін тыйым салады. Құдіретті Алла тыйым салғанын бізге түсіндірді. Ал олар оның үстіне тағы да қосып, барлығын тыйым салып тастады. Ал патша басқа шешім қабылдаса, олардың тыйым салғандары кенеттен рұқсат бола қалады. Бұл не деген дін? Не деген бұрмаланған түсінік оларда?

Үмметті артта қалдыратын ғалымдардың бұрмаланған түсінігінен кейінгі 2-ші себеп – бұл басшылар мен жетекшілер. Біздің басшыларымыз тек өзінің жеке мүддесін ойлайтын сатқындар, озбырлар, бұзақылар болған кезде, дәл өздері секілділердің арасынан қолдау тауып билікке келген кезде, және ғалымдар оларға жалғанды ақтап берген кезде, ешқандай күмән жоқ – дәл осы басшылар үмметтің артта қалуының басты себебі.

Және 3-ші ең үлкен себебі – бұл «әл-уахн» – әлсіздік. Пайғамбарымыз (оған Алланың игілігі мен сәлемі болсын): «Азықпен тағамның дәмін тату үшін адамдар бір-бірін шақырғандай, жақын арада жұртшылық сендерге қарсы шығуға бір-бірін шақырады», - деп айтады. (Яғни адамдар бір-бірін шақырып, келіңдер міне тамақ жеңдер дейді.) Сахабалар: «Уа Алланың елшісі, біздің санымыз аз болғандықтан солай бола ма?», - деп сұрайды.

Ол (сас): «Жоқ, керісінше сендер сансыз көп боласыңдар, бірақ теңіздің бетіндегі көбік сияқты ғұса'а боласыңдар, және Алла сендердің дұшпандарыңның жүректерінен сендерге деген қорқынышты алып тастайды және сендердің жүректеріңе уахн орнықтырады», - деп жауап берді. Қатысып отырғандардың біреуі: «Уа Алланың елшісі, уахн деген не?», - деп сұрайды. Ол (сас): «Осы өмірге деген сүйіспеншілік пен өлімге деген жек көрушілік», - деп жауап берді («Сунан Абу Дауд», 4297).

Адамдар дүниелік өмірді сүйіп, өлімді жек көргенде және өздерін бағындырып, сағын сындырып, қорлағандарына разы болған кезде, сол кезде біз артта қаламыз және бізді басқалар басқарады. Сол кезде бізді әділетсіз, бұзақы басшылар мен патша сарайын жағалаған ғалымдар басқарады. Материалдық артта қалушылық бұл бізді бағындырып қорлағандықтың салдары, бұл біздің артта қалуымыз бен құлдырауымыздың себебі. Мұндай адамдардың қатарынан болмауға тырысыңыз. Алла сіздерге жәрдемші болсын!

Видео Мұсылмандардың артта қалуының 3 себебі | Шейх Ториқ Суайдан ᴴᴰ канала NAMYS TV