Алматы облысында оқушылар арасында төбелес болып, бір бала ауруханаға ауыр жағдайда түсті

Алматы облысы Еңбекшіқазақ ауданы Рахат ауылдық округіндегі мектепте тағы да шу. Бұл жолы да оқушылар арасында төбелес болып, бір бала ауруханаға ауыр жағдайда түсті. Баламнан жоғарғы сыныптың оқушылары ақша бопсалап, артынша аямай жабылып ұрған деген ата-ана енді бұл мектепке бес баламды да жібермеймін деп отыр. Екі-ақ апта бұрын бір оқушысының жаны осындай төбелестен әзер аман қалған мектеп ұжымы бұл жолы не деп ақталды? Аудандық білім басқармасынан бастап, мектеп басшылығы оқушыларды тәртіпке сала алмаса орындарынан неге кетпейді? Әйгерім Ердәулетқызы баяндайды.
Алтыншы желтоқсан күні мектептен үйіне қайтпаған ата-ана баласын бір топ мектеп оқушысы тепкінің астына алып жатқанын мына видеодан бірақ біліпті. Бірақ, саяжайдың қай жері екенін түсіне алмай, дереу учаскелік полицияға хабарласқан. Құзырлы органдағылар да шарқ ұрып іздей
ШОЛПАН ЖҰМАБАЕВА, ата-ана:
– Үйге келсем балам есінен танып қалған екен. Құсып, Әлихан-Әлихан деп жатырмын, жауап бермейді. Бастарының бәрі мына жері бәрі ісіп кеткен. Мына жері жырылып, үсті-басы қан. Тоқатасын мына бассыздықты, менің айтуға сөзім жоқ.
Мектептегі оқушылардан мәжбүрлеп жоғары сыныптың балалары ақша жинайтынын өзге де ата-аналар растап отыр. Білім ордасындағы мұндай тәртіпсіздіктен кейін балаларымызды ауылдағы жалғыз мектепке жіберуге қорқып қалдық дейді.
Мектеп директоры бұл жолы да жұмыс орнында болмады. Ал орынбасары, Әлиханға жабылды дегенге сенбейміз деді.
ДИНАРА АЗАТҚЫЗЫ, №1 орта мектеп директорының орынбасары:
– Ол балалармен сөйлесіп қазір ішкі зерттеулерді де жүргізіп жатырмыз. Сыртынан да құзырлы органдар өздері қарастырып жатыр.
Естеріңізге болса, 11 қарашада дәл осы мектептің бесінші сыныбында оқитын баламды жабылып ұрды деп редакциямыздан тағы бір ата-ана көмек сұрап еді. Арманның анасы полиция жөнді тергеу жүргізіп жатқан жоқ дейді. Ал мектеп алдында тұрған үш бірдей камерадағы бейнежазба түгел өшіп қалыпты деп отыр мектеп әкімшілігі. Қазір дәрігерлер екі баланың да өміріне қауіп төніп тұрған жоқ дейді.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар #Ақиқатын_Айтайық

Видео Алматы облысында оқушылар арасында төбелес болып, бір бала ауруханаға ауыр жағдайда түсті канала Информбюро 31