Vajza nga Kosova nervozon Presidentin Vuçiç ne Serbi | ABC News Albania

Një vajzë e re nga Kosova ka nervozuar presidentin serb Vuçiç në takimin rajonal të të rinjve në Novi Sad, ku marrin pjesë edhe presidentët e Sllovenisë dhe Maqedonisë së Veriut.

Aulone Memeti, që merrte pjesë në forum, reagoi ndaj mungesës së përkthimit në gjuhën shqipe në takim.

Në Novi Sad të Serbisë ka nisur të shtunën konferenca vjetore Regional Youth Form, e cila do të zgjasë deri më 24 nëntor.

Forumi vjetor që bashkon rreth 200 liderë të rinj, orientohet drejt veprimit dhe shoqërisë aktive nga rajoni i Ballkanit Perëndimor, të cilët do të angazhohen në diskutime me politikbërësit aktual dhe drejtuesit rajonal për tema dhe sfida të dukshme.

Kjo konferencë, organizohet nga Lëvizja Evropiane në Serbi -dega lokale Novi Sad dhe Fondi i Beogradit për Përsosmëri Politike. Në panelin kryesor ishin të ftuar presidenti serb Aleksander Vuçiç, presidenti i Sllovenisë Barut Pahor dhe president i Maqedonisë së Veriut, Stevo Pendarovski. Në ntryezë me ta ishte edhe Aulonë Memeti nga Kosova, e cila reagoi ashpër ndaj mungesës së përkthimit simultan në gjuhën shqipe. Memeti e hapi fjalën duke iu drejtuar të pranishme në gjuhën shqipe.

“Përshëndetje të gjithëve, veçanërisht pjesëmarrësve shqipfolës. Tek sa po hyja në sallë për të filluar diskutimin në këtë panel u njoftova që nuk ka përkthim në gjuhën shqipe dhe mu kërkua që vetëm unë të flas anglisht dhe jo shqip. Meqë e konsidideroj të rëndësishme që politikanët prezentë të dëgjojnë çfarë kam/kemi për të thënë, nga ky moment do të vazhdoj diskutimin në anglisht.”

Fjalimi i Aulonës nervozoi presidentin serb.

“Ne kemi ardhur këtu për të folur për të ardhmen, e nëse vet po dëshironi të flisni për të kaluarën, një gjë ta keni të qartë, se kurrë nuk do të pajtohemi”.

Memeti kishte theksuar në fjalën e saj rëndësinë e pranimit të së vërtetës dhe kërkim-faljen, si kusht themelor për të vazhduar më tej dhe për të ndryshuar historinë./abcnews.al

Видео Vajza nga Kosova nervozon Presidentin Vuçiç ne Serbi | ABC News Albania канала ABC News Albania