БЛОГЕРИ ТОҶИК БАРОИ ДАРРОНДАНИ ПАСПОРТИ РУСИЯ УЗР ПУРСИД

Блогери 22-солаи зодаи Тоҷикистон Миҳрон Ҳакимов дар пайи дар шабакаи TikTok нашр кардани видеои даррондани паспорти Русия дар як видеои дигар аз мардуми Русия барои ин кораш узр пурсид. Видеои даррондани паспорт рӯзи 1 феврал дар саҳифаи ин блогер дар TikTok нашр шуд, вале ин сабт алакай пок карда шудааст.
Миҳрон Ҳакимов ҳангоми узрхоҳиаш гуфт, ин шиносномаи як дӯсти вай буд, ки муҳлаташ алакай тамом шуда буд ва дӯсташ аз вай хостааст, шиносномаро бидарронад, то ягон кас натавонад онро истифода барад. Ҷараёни даррондани ҳуҷҷатро онҳо ба навор гирифта, видеояшро дар маҳзари ом дар TikTok гузоштаанд
Ҳакимов дар видеои наваш гуфт: “Мехоҳам аз тамоми мардуми Русия барои хатоҳои содиршуда самимона узр бипурсам.”
Маълум нест, ки ӯ барои ин кораш боздошт шудааст ё на? Барои қасдан даррондан ё нобуд кардани шиносномаи Русия ҳамчун ҷазо ҷарима ба маблағи ҳамагӣ аз 100 то 300 сомонӣ пешбинӣ шудааст. Вале Миҳрон Ҳакимовро барои беэҳтиромӣ ба рамзҳои Русия метавонанд аз он кишвар умрбод ихроҷ ҳам кунанд. Ҳатто агар ӯ алакай шаҳрвандии Русия ҳам дошта бошад.

Видео БЛОГЕРИ ТОҶИК БАРОИ ДАРРОНДАНИ ПАСПОРТИ РУСИЯ УЗР ПУРСИД канала Bomdod TV