Miltan /ምልጣን Part 1

ምልጣን፥ ብመምህር ድጓ መሪ. ሠመረ ኣፈወርቅ (መንክር)
ደብረ ግዕዛን መድኃኔ ዓለም ኣሥመራ
March 2019
© Any unauthorized use, copying or distribution is strictly prohibited.
1
0:00 ሃሌ ሉያ፡ ወኣንተኒ ሕጻን፡ ነቢየ ልዑል ትሰመይ፡ ዓርኩ ለመርዓዊ ትሰመይ፡ ወኣዝማዱ፡በሥጋ ትሰመይ፡ ተፈኖከ፡ ታርኁ ኣናቅጸ ጽድቅ።
2
2:06 ሃሌ ሉያ፡ መርሕ በፍኖት፡ ሞገሶሙ ለጻድቃን፡ ዝንቱ ውእቱ መስቀል፡ ለኣዳም ዘኣግብኦ፡ ውስተ ገነት፡ ወለፈያታዊ፡ ሓረዮ በቅጽበት፡ መድኃኒት ዕፀ ሕይወት፡ ዝንቱ ውእቱ መስቀል።
3
4:54 ሃሌ ሉያ፡ ይቤሎሙ ኢየሱስ፡ ለኣይሁድ፡ እመኑ ብየ፡ ወእመኑ በኣቡየ፡ ዮምሰ ለእሊኣየ፡ ኣበርህ በመስቀልየ።
4
7:12 ሃሌ ሉያ፡ ዮም ፍሥሓ ኮነ፡ በእንተ ልደቱ ለክርስቶስ፡ እምቅድስት ድንግል፡ ውእቱ ኢየሱስ ክርስቶስ፡ ዘሎቱ፡ ሰብኣ ሰገል፡ ሰገዱ ሎቱ፡ ኣማን፡ መንክር ስብሓተ ልደቱ።
5
9:57 ሃሌ ሉያ፡ ክርስቶስ ተወልደ፡ ክርስቶስ ተጠምቀ፡ ወለደነ ዳግመ፡ እማይ ወእመንፈስ ቅዱስ፡ እሙነ ኮነ፡ ለፀሓየ ጽድቅ፡ ኣስተርእዮቱ፡ ኣማን፡ መንክር ስብሓተ ጥምቀቱ።
6
12:17 ሃሌ ሉያ፡ ዮም ፍሥሓ ኮነ፡ በሰንበተ ክርስቲያን፡ እስመ ተንሥኣ፡ ክርስቶስ እሙታን፡ ቀደሳ ወኣክበራ፡ እምኩሎን መዋዕል፡ ኣልዓላ፡ ኣማን፡ ተንሥኣ እምነ ሙታን።
7
14:43 ሃሌ ሉያ፡ ገብረ መድኃኒተ፡ በማእከለ ምድር፡ ወተሰቅለ፡ በእንቲኣነ፡ ተንሥኣ እሙታን፡ መድኃኒቶሙ ለጻድቃን፡ ኣምላክ፡ ዘይሠሪ ሓጢኣተ።
8
17:21 ሃሌ ሉያ፡ ዮም ፍሥሓ ኮነ፡ በእንተ ዕርገቱ ለክርስቶስ፡ እምድኅረ ተንሥኣ እሙታን፡ በኣርብዓ ዕለት፡ በይባቤ ወበቃለ ቀርን፡ ኣማን፡ መንክር ስብሓተ ዕርገቱ።
9
19:46 ሃሌ ሉያ፡ ደብር ርጉእ፡ ወደብር ጥሉል፡ ለምንት ይትነሥኡ፡ ኣድባር ርጉኣን፡ ደብር ዘሠምሮ የሓድር ውስቴቱ፡ እግዚኣብሔር፡ ኣማን፡ ተሰብሓ በደብረ ታቦር።
10
22:19 ሃሌ ሉያ፡ እንዘ ሥውር እምኔነ፡ ይእዜሰ፡ ክሱተ ኮነ፡ ማየ ረሰየ ወይነ፡ ተኣምረ ወመንክረ፡ ገብረ መድኃኒነ፡ በቃና፡ ዘገሊላ ከብካብ ኮነ።
11
24:33 ሃሌ ሉያ፡ ኣይ ይእቲ ዛቲ፡ እንተ ታስተርኢ እምርሑቅ፡ ከመ ማኅቶት፡ ብርህት ከመ ፀሓይ፡ ሙሴኒ ርእያ፡ ሃገር ቅድስት፡ እዝራኒ፡ ተናገራ ዳዊት ዘመራ።
12
26:33 ሃሌ ሉያ፡ ኢኮነ ነግደ፡ ወፈላሴ፡ ሃገሪቶሙ፡ ለቅዱሳን ንሕነ፡ ሰብኣ ቤቱ፡ ለእግዚኣብሔር ኩልነ፡ ኣምላክ ኃደረ፡ ውስተ ሥጋ ተዓቁረ፡ እንዘ ኢይትጋባእ በሙላድ፡ ዘድንግል መናሥግተ፡ ኢያርኂዎ፡ ዘኪሩቤል ኢርእዮ።

Видео Miltan /ምልጣን Part 1 канала EndaMariam