გამსახურდიას უკანასკნელი მეომრები - თ. ჩაგელიშვილი - © Rustavi 2

თომა ჩაგელიშვილის დოკუმენტური ფილმი

1998 წლის 19 ოქტომბერს შუაღამისას სენაკიდან ქუთაისისაკენ ტანკების კოლონა დაიძრა. სენაკის სამხედრო ბრიგადიდან გამოსულ ჯარისკაცებს მყარი გადაწყვეტილება ჰქონდათ მიღებული. ისინი ედუარდ შევარდნაძის ხელისუფლების დასამხობად გადამწყვეტი ბრძოლის გამართვას აპირებდნენ. ამბოხებულებს თავდაცვის სამინისტროს სენაკის ბრიგადის მეთაურის მოადგილე პოლკოვნიკი რეზო ასმავა და სპედანიშნულების რაზმ ''სატურნის'' შტაბის უფროსი პოლკოვნიკი აკაკი ელიავა მეთაურობდნენ. მათ ბრძოლის გარეშე უნდა აეღოთ ქუთაისი, გადაეკეტათ რიკოთის უღელტეხილი და დასავლეთ საქართველოში ზვიად გამსახურდიას ხელისუფლება აღდგენილად გამოეცხადებინათ. იმ ღამეს ვერც ქუთაისში და ვერც თბილისში ვერავინ წარმოიდგენდა, რომ დილით მოსახლეობას შესაძლოა ორად გახლეჩილ ქვეყანაში გაღვიძებოდა. რა გეგმები ჰქონდათ ამბოხებულებს, როგორ უნდა დაემხოთ შევარდნაძის ხეისუფლება და როგორ უნდა მოსულიყვნენ ხელისუფლებაში - ამ ოპერაციის ავტორები პირველად საუბრობენ გულახდილად დოკუმენტურ ფილმში. როგორ დაიგეგმა ამბოხება, სად დაიგეგმა და ვინ იყო მისი ორგანიზატორი, დღემდე საიდუმლო რჩებოდა. დოკუმენტურ ფილმში პირველად იქნება დეტალურად ნაჩვენები ელიავასა და სამთავრობო ძალების სამხედრო შესაძლებლობები.რამ შეუშალა ხელი გამსახურდიას უკანასკნელ მებრძოლებს, რატომ ვერ განახორციელეს ჩანაფიქრი? თომა ჩარგელიშვილის ახალი დოკუმენტური ფილმი სწორედ ამ კითხვებს გასცემს პასუხს.

Видео გამსახურდიას უკანასკნელი მეომრები - თ. ჩაგელიშვილი - © Rustavi 2 канала TheTbiliCity