Нұр-Сұлтанда 100 астам мұғалім екі ай бойы жалақыларын ала алмай жүр

Нұр-Сұлтанда бірнеше айдан бері онлайн да, оффлайн да білім беріп жүрген бір мектептің 130 мұғалімі екі айдан бері жалақыларын ала алмай жүр. Айтуларынша, ақпан айында мектеп директоры еңбекақы берілетін кезде зейнеткерлікке кетіп қалып, төлем есебіне қол қоймаған. Ал жаңадан келген басшы тағайындалғанша Білім басқармасы қаржыландыру бағдарламасы ауысады деген сылтаумен шоттарды жауып тастапты. Екі ортада ұстаздар ақшасыз отыр.
Екі айдан бері жалақы алмай қарызға белшеден батқан ұстаздар кімге барып шағымданарларын білмей дал. Ақпанның 24-і күні бұрынғы басшы Білім басқармасынан зейнеткерлікке кету туралы хабарлама алып, дайын тұрған төлем есебіне қол қоймаған. Сөйтіп айдың 25-інен кейін берілетін еңбекақы төленбей қалады. Осылайша 100-ден астам мұғалім екі айдан бері ақшасыз отыр.
ЭЛЬМИРА ЖЫРҒАУ, Нұр-Сұлтан қаласының №63 мектеп мұғалімі:
– Маған қатты батып отырғаны несиемнің проценті өсуі и историямның бұзылуы.
Білім басқармасы наурыз айында жалақының кеш берілетінін ескертіп, жалақыны ерте төлеу туралы елорда мектептеріне хабарландыру жіберген. Өйткені наурыздың үшінен бастап шоттар бұғатталып, білім ордаларын қаржыландыру бағдарламасы өзгеруі тиіс еді. Мұғалімдер Білім басқармасы осының бәрін біле тұра директорды зейнеткерлікке жіберерде салғырттық танытты дейді. Бұрынғы басшыға айды аяқтатып барып, наурыздың бірінен жұмыстан босату керек дейді олар.
МЕЙРАМГҮЛ ДӘРМЕНОВА, Нұр-Сұлтан қаласының №63 мектеп мұғалімі:
– Получается, здесь безграмотное действие управления образования. Они Ирине Ивановне отправляют уведомление, что ее отправляют на заслуженный отдых. Но они должны были посмотреть, получила ли 63 школа зарпалту за февраль или не получила.
Ал Нұр-Сұлтан қаласының Білім басқармасы кінә тек бұрынғы басшыдан деп отыр. Өйткені алдын ала ескерту алған директор еңбекақыны ерте төлеуге қамданбаған.
Мұғалімдер бұрынғы директор жұмыстан кеткен соң бірнеше күн басшысыз отырдық деп ренжулі. Ал Білім басқармасы басшы тек апта ортасында кеткен соң бірнеше күн ақылдасып барып бірінші наурызда уақытша директор жібердік деп ақталды.
Ал осы жаңа ғана біздің арнаның араласуымен мұғалімдер екі айдың жалақысын толық алғандарын жеткізді. Біз хабарымызды жалғастырамыз.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#жалақысыз_ұстаздар #басты_жаңалықтар

Видео Нұр-Сұлтанда 100 астам мұғалім екі ай бойы жалақыларын ала алмай жүр канала Информбюро 31