ՆՈՐ ԶՈՀԸ ԹԻՐԱԽՈւՄ Է․ Ռեգիոնում խառն են․ Կգնա՞ն Պուտինն ու Մակրոնը ընդդեմ Էրդողանի

Արևմտյան մի շարք երկրներ, այդ թվում ՄԱԿ Անվտանգության Խորհրդի հինգ մշտական անդամներից երեքը՝ ԱՄՆ, Մեծ Բրիտանիա և Ֆրանսիա, Ռուսաստանին կոչ են արել հրաժարվել Աբխազիայի և Հարավային Օսիայի անկախության ճանաչումից: Ինչպես հայտնի է, Ռուսաստանն Աբխազիան և Օսիան ճանաչեց 2008 թվականին, ռուս-վրացական հնգօրյա պատերազմից հետո: Այդ պատերազմի վերաբերյալ գնահատականները և մոտեցումները տարբեր են: Ռուսական կողմը պնդում է, որ վրացական ագրեսիայից պաշտպանել է Օսիայի բնակչությանն ու իր խաղաղապահներին, իսկ Վրաստանի նախկին նախագահ Սահակաշվիլին պնդում է, որ Ռուսաստանը նախապես ծրագրել էր ագրեսիան, նախապես էվակուացրել էր Ցխինվալի բնակչությանը և կենտրոնացրել զորքը Ռոկի թունելի՝ Օսիայի մուտքի մոտ: Այստեղ իհարկե անտեղի է ներքաշվել ռուս-վրացական այդ բանավեճի մեջ, - նշում է քաղաքագետ Հակոբ Բադալյանը։ Առավել ուշագրավ է այն, թե ինչո՞ւ է ՄԱԿ Անվտանգության Խորհրդի մշտական անդամներից կազմված եռյակն ու այլ եվրոպական երկրներ կոչ են արել Ռուսաստանին վերանայել ճանաչումը: Առավել ևս, որ կոչի հեղինակները թերևս լավ են պատկերացնում, որ իրենց կոչով Ռուսաստանը որևէ կերպ չի գնա վերանայման, և, եթե կա այդպիսի որևէ տեսական հնարավորություն անգամ, ապա դրան հասնելու ճանապարհը բոլորովին իրենց կոչը չէ:
Ըստ այդմ, ինչո՞վ է պայմանավորված այդ կոչը, որն անկասկած հերթապահ չէ: Ինչու՞ է Արևմուտքը հիշել Աբխազիան և Հարավային Օսիան և արդյո՞ք այդ հիշատակումը ունի նախազգուշական միջոց, Վրաստանի ուղղությամբ ինչ-ինչ անցանկալի զարգացումների մասին տեղեկությունների առկայության պարագայում; Հատկանշական է մի բան, որ այդ կոչը հնչում է Թուրքիայի նախագահ Էրդողանի Վրաստանի վարչապետ Ղարիբաշվիլիի հետ հեռախոսազրույցից հետո, որ տեղի էր ունեցել թուրքական կողմի նախաձեռնությամբ:

Նյութի աղբյուր՝ 168.am, 1in.am

#lurer #hayastan #iran #adrbejan #turkia #rusastan #aliev #francia

Видео ՆՈՐ ԶՈՀԸ ԹԻՐԱԽՈւՄ Է․ Ռեգիոնում խառն են․ Կգնա՞ն Պուտինն ու Մակրոնը ընդդեմ Էրդողանի канала Banber News