Тақдирлар, муслима аёл: Иш бор, келинг, оилангизни боқинг - BBC Uzbek

Сафия хоним муслима тадбиркор аёллардан бири, ўзининг шахсий ресторани бор.

У киши ҳозир ишсиз, жойсиз, пулсиз оилаларга кўмак бермоқчи, уларнинг дарбадарликдаги ҳаётини бироз бўлса-да енгиллатмоқчи.

Сафия хоним асли Афғонистоннинг Тожикистонга бевосита чегарадош Қундуз вилоятидан.

Аммо давомий қуролли низолар ва Толибон таҳдиди сабаб, ўзи ҳам оиласи билан дарбадарликка юз тутган.

Афғонистон шимоли-шарқидан ғарбий Ҳирот вилоятига йўл солган, ўша ерда қайта уй-жой тутиб, тадбиркорликка қўл урган.

Ўзи учун тамом ўзга бир муҳитда шахсий ресторанини очишга муваффақ бўлган.

Сафия хоним шу йўл билан ўзига ўхшаб дарбадарликка юз тутган ўнлаб қундузлик оилаларга кўмак бермоқчи.

Уларнинг қочқинликдаги дарду азобларининг бироз бўлса-да аритмоқчи.

Неча ўн йилларки зўравонликлар гирдобида қолаётган Афғонистонда ночорлик ва ишсизлик энг чуқур илдиз отган ва ҳануз долзарблигича қолаётган энг асосий тўртта муаммодан иккитаси бўлади.

Қундуз эса, Афғонистоннинг сўнгги йилларда хавфсизлик билан боғлиқ вазияти жиддий издан чиқиб бўлган иккита шимолий-шарқий вилоятидан биттаси саналади.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek

Видео Тақдирлар, муслима аёл: Иш бор, келинг, оилангизни боқинг - BBC Uzbek канала BBC Uzbek