29 - сабақ. Импульстің сақталу заңына есептер

Импульстің сақталу заңына есептер
Сақталу заңдары. Импульстің сақталу заңдары
А тобы
1. Футболшының массасы m=700 г допты теуіп, оған v=15 м/с жылдамдық береді. Соққының ұзақтығын l=0,020 с деп есептеп, соққы күшінің орташа мәнін анықтаңдар.
2. Жылдамдығы 5 м/с балғамен шегені ұру керек.Балғаның массасы 0,80 кг.Егер соққының ұзақтығы 0,10 с болса, онда оның орташа күші қандай?
3. 7 км/сағ жылдамдықпен келе жатқан массасы 1000 кг мәшинененің моторы өшіп қалса, ол қанша уақыттан кейін тоқтайды? Ортаның орташа кедергі күші 0,05 кН.
4. Материялдық нүктенің қозғалысы x=20+2t-t2 теңдеуімен өрнектеледі. Оның массасын 2 кг деп алып, қозғалыс басталған соң 2 с және 5 с өткендегі импульстерді анықтаңдар. Осы өзгерісті туғызған күштің модулі мен бағыты қандай?
5. Автоматтың ұңғысынан массасы m=10 г оқ v=300 м/с жылдамдамдықпен ұшып шықса, онда автоматтың кері тебілетін иыққа түсіретін қысым күшінің орташа мәні қандай? Автоматтың ату жиілігі минутына n=300
6. Массасы 10 г оқ қабырғаны тесіп өткендегі жылдамдығы 800 м/с- тан 300 м/с-қа дейін кемиді. Оқ импульстінің өзгерісін табыңдар.
7. Бір-біріне қарама-қарсы бірдей v=3 м/с жылдамдықпен қозғалған екі дене соқтығысқаннан кейін бірігіп, u=1,5 м/с жылдамдықпен қозғалады. Осы денелердің массаларының қатынасын анықтаңдар.Үйкеліс ескерілмейді.
В тобы
1. Массасы m1=2 кг дене қарсы қозғала отырып, массасы m2=1,5 кг денемен серпімсіз соқтығысады.Соқтығысар сәттегі денелердің жылдамдықтары v1=1 м/с және v1 =2 м/с .Егер үйкеліс коэффициенті µ=0,05 болса, онда бұл денелер соқтығысудан кейін қанша уақыт қозғалады?
2. Салмағы 800 Н адам ұзындығы 5 м қайықтың тұмсығынан сауырына дейін қозғалады. Егер осыдан кейін тынық судағы қайық кері бағытт 2 м-ге орын ауыстырса, онда оның салмағы қандай болғаны? Қайықтың сумен салыстырғандағы басиапқы жылдамдығы нөлге тең.
3. Массасы 2 кг материялдық нүктенің қозғалысы x=5-8t+4t2 теңдеуімен өрнектеледі. Оның 2 с және 4 с өткеннен кейінгі импульстерін анықтаңдар.
4. Массасы 22 кг бала 2,5 м/с жылдамдықпен жүгіріп келе жатып, массасы 12 кг жылжымалы платформаға қарғып шықты. Бала мен платформаның жылдамдығы қандай?

Видео 29 - сабақ. Импульстің сақталу заңына есептер канала Абзал Тастанбеков