«Қайдан нәпақа табамыз?» Қызылжарда ірі кәсіпорын жабылып, 100 астам тұрғын жұмыссыз қалды

Павлодар облысындағы Қызылжар ауылында жылына 4,5 мың тоннадай тауық етін өндіріп келген ірі кәсіпорын жабылып, жүзден аса адам жұмыссыз қалды. Кәсіпорын басшысы олардың барлығымен еңбек шартын бұзатынын хабарлапты. Мұны естіген жұмысшылар төбесінен жай түскендей күйде. Өйткені, барлығы кәсіпорыннан алған азын-аулақ жалақысымен жан бағып отырғандарын айтады. Оның үстіне қақаған қыста қайда барып нәпақа табатындарын білмейді. Ал әкімдіктегілер табыссыз қалған ауыл тұрғындарына Ақсу қаласынан жұмыс ұсыныпты. Алайда, оған күнделікті қатынайтын көлігіміз жоқ дейді жұмысшылар.
Төрт мыңға жуық тұрғыны бар Қызылжар ауылдық округіндегі негізгі табыс көзі осы құс фабрикасы. Мұнда тіпті бір үйден бірнеше адам жұмысқа орналасып, нәпақа тауып отырған. Алайда дүйсенбі күні кәсіпорын басшылығы жүзден астам адаммен еңбек шартын бұзатынын айтқан. Мұны естіген жұмысшылар "енді қайтіп күн көріп, бала-шағамызды асыраймыз" деп алаңдап отыр. Ал әкімдіктегілер табысынан айырылғандарға ауылдан 80 шақырымда орналасқан Ақсу қаласынан қара жұмыс ұсыныпты. Алайда, оған күнделікті қатынауға жағдайымыз келмейді дейді жиналғандар.
АЛТЫНАЙ КЕНЖЕБАЕВА, Қызылжар ауылының тұрғыны:
– Бардық біз бір организацияға кешкі тоғызға дейін. Кешкі тоғызға дейін біз ауылдан келген кісі қалай істей аламыз? Демалыс жұмасына бір-ақ рет дейді. Ондай жұмыс бола ма? Біз елде тұрған соң малымыз бар, жанымыз бар. Біз олай жүре алмаймыз.
Осыдан 10 жыл бұрын нысанды сатып алған кәсіпкер кәсіпорынға модернизация жасап, іске қосқан. Содан бері тынымсыз еңбек еткен құрылғылар қайта жаңартуды талап етуде.
РУСТАМ НҰРТАЗИНОВ, Құс фабрикасының директоры:
– Құс фабрикасын толықтай қайта жаңарту керек. Тоғыз құс ұстайтын орын бар. 10 жыл жұмыс істеді. Бұл жердегі құрылғылар ескірген. Қосалқы бөлшектер сатып алу қажет. Құс сою, жемдеу цехтары тозды. Қысқасы, барлығына да күрделі жөндеу қажет.
Фабрикада жалпы саны 200-ден астам адам жұмыс істеген. Қайта жабдықтау кесірінен соның 151-і қысқартуға ұшыраған. Қазір жұмыспен қамту бөлімінің қызметкерлері табыссыз қалған қызылжарлықтарды есепке алып жатыр.
НҰРЛАН БЕГЕЖАНОВ, Павлодар облыстық жұмыспен қамту басқармасының бөлім басшысы:
– Қырық адамға жұмысқа жолдама берілді. 114 адам жұмыспен қамту орталығына жұмыссыз ретінде тіркелді және оларға жұмысты тоқтату бойынша жәрдемақы төленіп жатыр.
Айта кетсек, нысанды қайда жабдықтау үшін шамамен 1 миллиард теңгеден артық қаражат пен 1 жылға жуық уақыт қажет.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#күнкөріс #жұмыссыздық #Қызылжар

Видео «Қайдан нәпақа табамыз?» Қызылжарда ірі кәсіпорын жабылып, 100 астам тұрғын жұмыссыз қалды канала Информбюро 31