ПРОКРОР МУРОЖААТИ ЕТИБ БОРДИ.ШАВКАТ МИРЗИЁЕВ ТАНКИДИ ВА РОССИЯГА ИШЛАШ УЧУН БОРИШ.....

#StayHome #WithMe #uydaqoling
«Ҳокимга кўп нарса боғлиқ». Шавкат Мирзиёев Хоразм қишлоқ хўжалигини танқид қилди
Шавкат Мирзиёев 12—13 декабрь кунлари Хоразм вилоятида бўлиб қайтди. Ташриф якуни бўйича Урганч шаҳрида йиғилиш бўлиб ўтди. «Kun.uz»нинг хабар беришича, йиғилишда Президент вилоятдаги қишлоқ хўжалиги соҳасини танқид қилди.
«Нима учун Хоразмда мева-сабзавот кам, чунки сувдан фойдаланиш сиёсати йўқ? Эски тизим билан ишлаб бўлмайди. Дунё бўйича 2021 йилда озиқ-овқат муаммоси бўлиши мумкинлиги айтиляпти. Биз бунга тайёрмизми?», — деган Президент.

Давлат раҳбари вилоятдаги қишлоқ хўжалиги ҳолатини Фарғона водийсидаги ҳолат билан таққослаб, «Масалан, Наманганда адолатли тизим йўлга қўйилди, тадбиркорларга шароит қилиб берилди. Фарғона билан Наманганни тенглаштириб бўлмайди, Фарғонада катта-катта корхоналар бор. Хоразм Намангандан ҳам анча орқада. Наманганга бориб, кўриб келинглар, қанча ишлар қилинган. Ҳокимга кўп нарса боғлиқ, изланиш керак. Наманганда Бозоров ҳоким вақтида 10 фоиз қишлоқ хўжалиги билан шуғулланган, Хоразмда ҳокимлар 90 фоиз шуғулланяпти, лекин фойда йўқ.

Қайси соҳа бўйича Хоразм бошқа вилоятларга намуна ҳозир? Шоли ва олмани бренд қилсак бўладими? Шолини ‘Темир дафтаръдагиларга эктирамиз. Шунда камбағалликдан чиқариш йўли адолатдан бўлади.

Хоразм вилояти йилига 80 миллион долларлик текстиль маҳсулотлари экспорт қилади. Андижонда бу кўрсаткич 512 миллион доллар. Фарқ борми? Битта давлат, қарорлар бир хил-ку. Эгилиб пахта терасизлар, ҳузурини бошқа жойлар кўради. 25 йил пахта экиб, Хитойга ва Бангладешга сотдик. Бангладешда пахта йўқ, бир йилда 35 миллиард долларлик тайёр маҳсулот экспорт қиляпти», — деб айтган.

«Мен 80 фоиз туманлар ҳокимлари билан суҳбатлашдим. Олган жавобларим қониқарли эмас. Ҳар битта туман ҳокими муовини, сектор раҳбарлари элим учун хизмат қиламан деса, Хоразмда ҳаммаси яхши бўлади», — деб таъкидлаган Шавкат Мирзиёев.

Бундан аввал Президент вилоятдаги автомобиль йўллари ҳолатини танқид қилиб, уларни сифатли таъмирлаш бўйича кўрсатмалар бергани ҳақида хабар берилган эди.

Видео ПРОКРОР МУРОЖААТИ ЕТИБ БОРДИ.ШАВКАТ МИРЗИЁЕВ ТАНКИДИ ВА РОССИЯГА ИШЛАШ УЧУН БОРИШ..... канала KUN_ZAMON