អាយ៉ៃរឿង ឪពុកក្មេករើសកូនប្រសា#អក្សរសិល្ប៍ប្រជាប្រិយ #មរតកអក្សរសិល្ប៍ខ្មែរ

អាយ៉ៃរឿង ឪពុកក្មេករើសកូនប្រសា ចូលរួមសម្តែងដោយក្រុមសិល្បៈបុរាណវិទ្យុជាតិកម្ពុជា ។

ក- ប្រភពរឿង
- ប្រភព ប្រជុំរឿងព្រេងខ្មែរភាគទី១ នៃវិទ្យាស្ថានពុទ្ធសាសនបណ្ឌិត្យ
- ប្រភេទ និទានកថាសង្គម
- កាល ពេលវេលាមិនច្បាស់លាស់
- អាកាស ទីកន្លែងមិនច្បាស់លាស់
- អ្នកនិពន្ធ មិនស្គាល់ច្បាស់លាស់
ខ- សង្ខេបរឿង
កាលពីព្រេងនាយ មានយាយតាពីរនាក់នៅក្នុងស្រុកមួយ ។ អ្នកទាំងពីរនាក់នេះ មានកូនក្រមុំម្នាក់ ស្រស់ស្អាតណាស់ អ្នកណាចូលទៅស្ដីដណ្ដឹងកូនរបស់គាត់
ក៏គាត់មិនឱ្យដែរ គាត់ថា៖ បើអ្នកណាតមមិនជេរម្តាយគេបាន គាត់នឹងលើកកូនក្រមុំឱ្យធ្វើជាកូនប្រសារបស់គាត់ ។ មួយថ្ងៃ មានកំលោះម្នាក់មានរូបឆោមស្រស់ស្អាតបាត បានចូលទៅស្តីដណ្តឹងកូនក្រមុំយាយតាទាំងពីរ ហើយគាត់បានប្រាប់អំពីត្រណមរបស់គាត់ទៅដល់បុរសឱ្យបានដឹង ហើយត្រូវទទួល បម្រើគាត់ទៅតាមពាក្យដែលគាត់បានប្រើ កំលោះនោះក៏ព្រមទទួលតាមពាក្យគាត់បានប្រាប់ទាំងអស់ លុះដល់ពេលព្រឹកឡើងកំលោះនោះធ្វើតាមយាយតាទាំងពីរនាក់ ។ បន្ទប់មក យាយតាទាំងពីរបង្គាប់អោយកំលោះនោះទៅភ្ជួរស្រែ ដរាបណាថ្មនៅក្បែរស្រែនោះវាស្រែកយំ ទើបឱ្យឈប់ក្របី ។ កំលោះនោះទៅភ្ជួរយូរៗទៅពុំឃើញថ្មនោះស្រែកយំសោះ
ម្យ៉ាងថ្ងៃក៏ត្រង់ទៀត ម្យ៉ាងទៀតខ្លួនក៏ហត់អស់កម្លាំងផង ក្របីក៏ដើរទៅមុខពុំរួចទៀត ទ្រាំពុំបានកំលោះនោះក៏ស្រែកជេរម្តាយទៅ ។ លុះដល់ថ្ងៃក្រោយមកទៀត មានកំលោះម្នាក់ទៀតបានទៅចូលស្តីដណ្តឹងកូនក្រមុំយាយតាទាំងពីរទៀត គាត់បានប្រាប់អោយបានដឹងដូចកំលោះមុន ប៉ុន្តែកំលោះម្នាក់នេះគេមានប្រាជ្ញាជាងកំលោះមុន ។ ដោយកំលោះនោះ បានលបដឹងល្បិចកលរបស់យាយតានោះហើយ ក៏ធ្វើជាមិនដឹងស្តាប់ការបង្គាប់របស់យាយតាទៅ ។ យាយតានោះបាន រកវិធីសាស្ត្រក្នុងការធ្វើបាបកំលោះនោះ តែទោះជាយ៉ាងណាក៏ដោយកំលោះនោះបានឈ្នះយាយតារាល់លើក ដែលបានឱ្យកំលោះធ្វើតាមដូចជា៖ ភ្ជួរស្រែ រែកអង្ករឡើងភ្នំ ធ្វើជាឆ្កែដើររកសត្វអណ្ដើក រែកអង្ករទៅផ្សារ តែក្រោយមក យាយតាទាំងពីរនាក់ចាញ់ ក៏សុខចិត្តរៀបការកូនក្រមុំរបស់គាត់ឱ្យទៅអ្នកកំលោះនោះទៅ ។

គ- វិភាគអត្ថន័យ
ក្រោយពីបានសិក្សា រឿងឪពុកក្មេករើសកូនប្រសារួចមកឃើញថា ជារឿងមួយស្ថិតនៅក្នុងលក្ខខណ្ឌដោយផ្អែកឈរលើមូលដ្ឋាន គឺផ្អែកលើភាពអំណត់ និងស្មោះត្រង់ ។ នាកាលសម័យអតីតកាលកន្លងទៅហើយ នៅប្រទេសកម្ពុជាប្រជាជននៅតាមជនបទភាគច្រើន ប្រកបមុខរបរស្រែចម្ការ ព្រោះជីវិតរបស់ពួកគាត់មានតែដីស្រែចម្ការទេ ដែលអាចដោះស្រាយជីវភាពកាន់តែប្រសើរឡើង ។ ករណីឪពុកក្មេករើសកូនប្រសា ក៏ព្រោះតែក្រុមគ្រួសាររបស់ពួកគាត់ជាកសិករគឺធ្វើស្រែ បើសិនជាកូនប្រសាមិនចេះធ្វើភ្ជួររាស់ ស្រែផងម្តេចនឹងចិញ្ចឹមកូនគាត់រស់កើត ។ មុននឹងគាត់ប្រគល់កូនទៅឱ្យកូនប្រសាណាម្នាក់ ត្រូវមើលបុគ្គលិកលក្ខណៈជា
មុនសិន បើទ្រាំអំណត់តស៊ូព្យាយាមបំពេញនូវអ្វីដែលលោកចង់បានលោកនឹងប្រគល់កូនក្រមុំឱ្យ ។ ករណីរឿងឪពុកក្មេករើសកូនប្រសា លោកមុននឹងឱ្យបានដាក់ខសន្យា ពេលធ្វើការតមមិនអោយជេរគេ ទើបគាត់អោយកូនជាប្រពន្ធអ្នកនោះ ។ កំលោះជាច្រើនដែលចូលមកស្តីដណ្តឹងកូនក្រមុំ តែការតបមិនបានក៏ផ្តាច់ជាច្រើនគ្នា ។ តែថ្ងៃក្រោយមានកំលោះមួយចូលមកស្តីដណ្តឹងកូនតានោះទៀត គាត់បង្គាប់ដូចកំលោះមុន តែអ្នកកំលោះក្រោយគេមានប្រាជ្ញា គេទៅភ្ជួរស្រែវេចបាយទៅស៊ីផង ។ ទោះបីជាតាយាយប្រើល្បិចឧបាយយ៉ាងណាក៏កំលោះនេះយកឈ្នះពីលោកទាំងពីររហូត ។ នៅទីបញ្ចប់ ល្បិចរបស់យាយតាត្រូវកូនប្រសាធ្វើបានសម្រេច ក៏រៀបការកូនក្រមុំទៅឱ្យអ្នកកំលោះនោះទៅ ។ ដូច្នេះ ប្រពៃណីទំនៀមទម្លាប់នៃការចូលស្តីដណ្តឹងកូនក្រមុំពីសម័យមុន គឺកូនកំលោះត្រូវមកធ្វើការនៅផ្ទះខាងស្រី ដែលមានរយៈកាលកំណត់របស់ឪពុកម្តាយខាងស្រីលោកជាអ្នកកំណត់ ។ កូនកំលោះនាសម័យនោះបើចង់បានប្រពន្ធត្រូវតែចេះអំណត់ តស៊ូព្យាយាមរាល់កិច្ចការងារទាំងឡាយដែលលោកដាក់ឱ្យ ។

Видео អាយ៉ៃរឿង ឪពុកក្មេករើសកូនប្រសា#អក្សរសិល្ប៍ប្រជាប្រិយ #មរតកអក្សរសិល្ប៍ខ្មែរ канала មរតកអក្សរសិល្ប៍ខ្មែរ