udhadhi dhariniya kaha wagawata කාබනික කහ වගාවෙන් කෝටිපතිනියක් වූ උපාධිධාරිණිය ගේ කතාව

(දඹුල්ල කාංචන කුමාර ආරියදාස)
2021.10.29
කාබනික කහ වගාවෙන් කෝටිපතිනියක් වූ උපාධිධාරිණිය.

විදේශ රටවලින් මෙරටට අවශ්‍ය‍ය කහ ගෙන්වීම නතර කිරීමත් සමඟ තම ගෙවත්තේ කහ වගා කොට එයින් ලැබෙන අස්වැන්න කුඩු කර වෙළඳපලට ලබාදීම සහ තවත් පිරිසකට කහ වගා කිරීම සඳහා කහ බීජ සහ පැළ අලෙවි කිරීම තුලින් ජීවිතය ජය ගත් අපූරු උපාධිධාරිණියක පිළිබඳ තොරතුරුක් දඹුල්ල කන්ඩලම කුඹුක්කඳන්වල ප්‍රදේශ්යෙන් අපට වාර්තා විය.
ඇය නමින් සුනේත්‍රා ශාමලී කුමාරි නම් වෙයි .දෙදරු මවක් වන ඇය උපාධිධාරිණියකි. ඊට අමතරව දේශීය පාරම්පරික වෛද්‍යවරියකි ,තුරුණු වියේ පසුවන ඇය උපාධිය අතේ තබාගෙන රට වටේ රැකියා ඉල්ලා ගම්න් කිරීම් වෙනුවට නිවසේ සිට රටට අවශ්‍ය ආහාර නිෂ්පාදනයට මෙන්ම දේශීය ආයුර්වේදයට මුල්තැන දෙමින් තම ජීවිකාව ඇරඹූ බව සඳහන් කළාය.
කොරෝනා වසංගතය රට වෙලා ගනිද්දී නිවසට වී සිටි ඇය තම සැමියා විසින් ගෙන්විත් දුන් කහ කැබලි කීපයකින් කාබනික කහ වගාවට හුරු වූ බව ඇය පැවසුවාය.
මේ වන විට ඇයගේ වගාබිම තුල ඇයටද වඩා උස කහ ගස් දැක ගැනීමට හැකි වීම විශේෂත්වයකි ,කාබනික පොහොර පමණක් යොදා ගෙන කහ වගාව ඇය විසින් සිදුකරන බවත් කිසිදු රසායනික පොහොර හෝ වෙනත් ද්‍රව්‍ය යෙදීම කින් තොරව මෙම කහ වගාව තමන් විසින් සිදුකරගෙන යන බව ඇය ආඩම්බරෙන් යුතුව අප සමග පැවසුවාය.
එමෙන්ම දේශීය පාරම්පරික ආයුර්වේද වෙදකම් කරන ඇය මෙම කහ වගාව සඳහා අවශ්‍ය දේශීය ශාකසාර යොදා ගෙන දියර පොහොරක්ද නිෂ්පාදනය කරගත් බව එය පෙන්වමින් ඇය පැවසුවාය
එම දියර පොහොර පත්‍ර මගින් කහ ශාකයට උරා ගන්නා බවත් එමගින් ශාකය වර්ධනය වෙන්නා සේම කෘමි හානි උවදුරු සියල්ල අවසන් බව ඇය අප සමඟ පැවසුවාය.
තමන් විසින් නිෂ්පාදනය කරගන්නා කහ අස්වැන්න ඇය තවත් කණ්ඩායම් වලට කහ වගා කිරීම්ට පැළ පැකට් කරමින් ඒවා අලෙවි කිරීම් සිදු සිදුකරන බවත් මෙවර කහ අස්වැන්නෙන් තව ටික දිනක් ගතවෙද්දී තමන්ගේ මුදල් ඉපයීම් රුපියල් කෝටිය ඉක්මවන බව ඇය සතුටින් අප සමග පැවසුවාය.
පැළ පැකට් කිරීමෙන් අනතුරුව තමන්ගේ අස්වැන්නෙන් වියළා තම්බා ඒවා යන්ත්‍රානුසාරයෙන් කුඩු කොට කහ කුඩු අලෙවි කිරීම්ද සුනේත්‍රා ශාමලී කුමාරිගේ තවත් ඉලක්කයකි
ඇය ප්‍රදේශ්යේ වෙළඳසැල් වලට කාබනික කහ කුඩු අලෙවි කිරීම් සිදු කරණ බවත් ඇය පැවසුවාය .කිසිදු වස විසක් නොමැති තමන් විසින්ම නිපදවා ගන්නා කහ කුඩු කිලෝවක් රුපියල් හාරදාහක මිලකට තමන්ගෙන් මිලදී ගන්නා බවත් ඇය අප සමග සඳහන් කළාය.
තමන්ගේ උපාධිය අතේ තබාගෙන අනුන්ගෙන් රැකියා ඉල්ලා විරෝධතා කිරීම් පෙළ පෙළපාලිය යාම ආදී අරගල සිදු කරනවාට වඩා එම දැනුම රටේ ජනතාවගේ යහපත උදෙසා තමන් විසින්ම මෙවැනි දේකට යොමු කරන්නේ නම් උපාධිය ගැන ආඩම්බර විය හැකි බව ඇය පැවසුවාය,
අපවත් වී වදාළ වැලමිටියාවේ කුසලධම්ම නා හිමියන් ගේ සුරතින් තම උපාධි සහතිකය ලබාගත් ඡායාරූප පෙන්වමින් ඇය දැඩි ලෙස කම්පනයට පත් වී කියා සිටියේ තමන් ගේ ජයග්‍රහණයටය පිටුපස උන්වහන්සේගේ ශක්තිය ද තිබුණු බව ය.

Видео udhadhi dhariniya kaha wagawata කාබනික කහ වගාවෙන් කෝටිපතිනියක් වූ උපාධිධාරිණිය ගේ කතාව канала Kanchana Ariyadasa