Омон Матжон: Энди инсон қадри ҳам аввалгиларга ўхшамас

Ўзбекистон халқ шоири Омон Матжон 14 февраль куни 75 ëшга тўлди. Озодлик билан қисқа суҳбатда шоир ўз ўқувчилари ва Озодлик тингловчиларига шоирни унутмаганлари учун миннатдорлик билдирди.

Шоир айнан февраль ойида туғилганидан мамнунлигини айтади:

- Мана 9 февралда улуғ Алишер Навоий туғилган¸ ҳазрати Бобур 14 февралда таваллуд топган. Мен ҳам шулар қаторида февралчиман, дейди шоир. Суҳбат асносида шоир умрида фақат икки мухаммас ëзганлигини эслади:

- Шулардан бири Огаҳийнинг “Устина” деган ғазалига ëзилган бўлса, иккинчиси эса Навоийнинг “Ўхшамас” ғақалига ëзилган. Шу иккинчиси шу кунлар руҳига ҳам тўғри келади, дейди 75 ëшни қаршилаган шоир.

Чарх авзойи бу дам аввалгиларга ўхшамас,

Кўнглум ичра дарду ғам аввалгиларга ўхшамас,

Котибу давру рақам аввалгиларга ўхшамас,

Энди инсон қадри ҳам аввалгиларга ўхшамас...

Видео Омон Матжон: Энди инсон қадри ҳам аввалгиларга ўхшамас канала Ozodlik Radiosi