Миллий хавфсизлик, миллат хавфсизлиги учунми ёки...

Миллий хавфсизлик, миллат хавфсизлиги учунми ёки
миллат қотиллиги учунми?

Миллий хавфсизлик хизмати подполковниги Нодир Тўрақулов томонидан отиб ўлдирилган ўрта ёшдаги эркак ва унинг 5 ёшли қизининг жасадлари топилди.
“Иккала жасаднинг ҳам қўллари кишанланган ҳолда топилган, иккаласининг ҳам пешонасидан икки ўқ отилган, бу даҳшат. Беш ёшли қизни ҳам отиб ўлдирган. Кўмишдан олдин унинг ҳам қўлларидан кишанни ечмаган”, - дейди манбалар.
ЎХҲга келган маълумотларга кўра, ўз вақтида Тўрақулов Сурхондарё вилояти МХХ тергов бўлимининг бошлиғи бўлиб ишлаб юрган пайтда, унинг буйруғи билан Сурхондарёлик бир одамни уйидан олиб кетишади. Уйда ота билан қизи ҳам бўлади ва бола ёлғиз қолмайман деб йиғлайди. МХХ ходимлари Тўрақуловга қўнғироқ қилиб, одамнинг қизини ҳам ёнида олиб келмоқчи, олиб борайликми?, - деб сўрашади. Тўрақулов сўкиниб иккаласини ҳам олиб келишни буюради. Бу маълумотлар Н.Тўрақуловнинг ишини кўриб чиқиш давомида маълум бўлган. Тўрақуловнинг шофёри кўрсатма бериб, жасадларнинг кўмилган жойигача айтиб берган ва Н.Тўрақулов ҳам ўз жиноятини тасдиқлаган.
Нодир Тўрақуловнинг иши бўйича қийноққа солиниб, яширин отиб ўлдирилган одамлар жуда кўп топилди ва булар сони 20 тага етади, ва уларнинг кўпчилиги аёллардир.
Нодир Тўрақулов қамоққа олингунга қадар Сурхондарё вилояти МХХ тергов бошқармасида тергов бўлими раҳбари бўлиб ишлаган. У МХХ раисининг собиқ биринчи ўринбосари Шуҳрат Ғуломовнинг ўнг қўли бўлган. Н. Тўрақулов Ўзбекистон республикасининг собиқ Бош прокурори Рашид Қодировнинг куёвидир.
Ўзбекистон ички ишлари ходимларининг шафқатсизлиги ва хақоратгўйлиги яқин вақтлардан бери ошкора қилиб келиняпти. Уларнинг халқ хавфсизлиги учун ишлашлиги ўрнига, халқни қўрқитиш учун омил бўлиб қолганини исботлашни ҳеч ҳожати қолмади. Чунки мана шундай воқеъликни ўзбек халқи неча йиллардан бери бошидан кечиради. Собиқ Совет Иттифоқи олиб келган тузумдан бошлаб, ҳозиргача бу қўрқув халқнинг қалбидан кетгани йўқ.
Пайғамбаримиз Мухаммад С,А,В нинг ашаддий душмани Абу Жаҳлга дедилар:
-Эй Абу Жаҳл, сен Мухаммадни бу қадар ёмон кўрсанг, ана уйи, бориб ўлдир,-дедилар.
Бизнинг урфимизда хотинларни қўрқитиш шарафсизликдир. Уни хотини ва болаларини олдида ўлдирмайман,-деди.
Абу Жаҳлдан ҳам номуссиз ва шафқатсиз кимсаларни тарбия қилиб, бошимизга келтирган тузумга рози бўлайликми, ёки адолат билан бошқарилувчи, Оламларнинг Роббиси рози бўладиган исломий тузумни орзу қилайликми? Бу орзулар билан яшаган инсонлар жиноятчию, номуссиз ва шарафсиз қотиллар эса қаҳрамон. Буми демократча адолат?

Видео Миллий хавфсизлик, миллат хавфсизлиги учунми ёки... канала Central Asia Media