"Son yarpaq" O. Henri

Bu hekayə Heydər Əliyev Fondunun “Regional İnkişaf” İctimai Birliyinin “Sosial layihələr” müsabiqəsi çərçivəsində Azərbaycan Jurnalistlər Şəbəkəsi İctimai Birliyi tərəfindən səsləndirilib.

Amerikalı yazıçı O. Henrinin (ing. The Last Leaf) “Son yarpaq” hekayəsi dünya ədəbiyyatının ən məşhur və maraqlı hekayələrindən biridir. Hekayədə dostluq, mərhəmət və ümidin parlaq bir sabaha qapı açdığını görürük: Qrinviç-Villicdə kiçik bir məhəllədə, üçmərtəbəli bir evdə iki gənc rəssam qız, Syu və Consi yaşayırlar. Consi ağciyərlərin sətəlcəminə tutulur. O, ölüm ayağındadır. Onun otağının pəncərəsindən görünən sarmaşığın yarpaqları tökülmək üzrədir. Consi əmindir ki, sarmaşığın sonuncu yarpağı düşən gün o öləcəkdir. Rəfiqəsi Syu onu bu sərsəm fikirdən çəkindirməyə çalışır. Elə həmin binanın alt mərtəbəsində 60 yaşlı uğursuz Berman adlı bir rəssam da yaşayır. Berman illərdi özünün şah əsərini yaratmaq arzusundadır. Syu bir gün poza oturuşu üçün qoca rəssamın yanına gələrək, öz xəstə rəfiqəsi və onun sərsəm fikri haqqında ona danışır. Qoca rəssam bu sərsəm fikri axmaqlıq adlandırır və yağışlı bir gecədə özünün ölməz əsərini canı bahasına yaradaraq Consinin ölməkdə olan ümidlərinə yeni həyat verərək, onun həyatını xilas edir.
14-16 yaş qrupuna daxil olan uşaqlar üçün tövsiyə olunur.

Mənbə: Uşaq bilik portalı, https://portal.azertag.az/az/node/9595​

Səsləndirdi: Ədalət Əbdülsəməd
Layihə rəhbəri: Nofəl Şirinov

Видео "Son yarpaq" O. Henri канала sesliderslik az