Ұстаз - Абдуғаппар Сманов (Алла рақымына бөлесін). Сақал жайлы.

#Repost @rakhat_auyl_meshiti
#ahasave @ahasave
——
САҚАЛ ЖАЙЛЫ

Аса Рахымды, ерекше Мейірімді Аллаһтың атымен

Аллаһ тағала ер адамды әйел адамнан ерекшелеп, оған сақал-мұрт жаратқан. Қазақта: ақсақал, қара сақал, қаба сақал, қырма сақал сөздерінің қолданылуы сақал қою дәстүрі қазақта ежелден кең таралғанын білдірсе керек. Немерелерін аялап отырған қазақ қарияларын сақалсыз елестету мүмкін емес. «Ата сақалы аузына түскенше» деген сөздің астарында да мән жатыр. Яғни, пайғамбар жасына жеткен қариялардың сақалын өсіруі біз үшін қалыпты құбылыс. Алайда, бүгінде жастар мен ерлердің сақал өсіру тұрмақ, сақалды адамды көрсе бірден жек-көріп жаман ойға кететіні бәрімізге де белгігі. Шынын айтқанда осы күні қалың сақалдылардан қорқатын болдық. Сапсиған сақалға қарап кейде адасқан ағымдағы адам ба деп қалады. Сақалдылардың барлығын уахабшылар десек, онда – Абай Құнанбайұлы, Шәкәрім Құдайберіұлы, Әлихан Бөкейханұлы, Ахмет Байтұрсынұлы т.б солар сеілді зиялылар, жалпы ата-бабамыздың барлығы да уахабшы болғаныма?! Жоқ, біз олай деп баға бермеуіміз керек. Әлбетте, имандылық сақалмен өлшенбесе керек. Дегенімен Пайғамбарымыз Мұхаммедтің ﷺ: «Мұрттарыңды басып, сақалдарыңды еркіне жіберіңдер» – деп айтқаны бар (Қараңыз: Сахих аль-Бухари 5893, ж/е Сахих Муслим 259.).
Ата-бабаларымыз сонау Қараханит дәуірінен бастап Ислам дінін ұстанып, Пайғамбарымыздың ﷺ әлемдегі ең жақсы адам болғанын, және де ол ﷺ арыстандай үлкен сақалды болғанын білген соң, сақал қоюды дәстүрге айналдырған. Бірақта, біздің заманда сақал жиренішке, өсекке, мазаққа айналды. Оның себебі халқымыз өз қазақы болмысынан айырылып қалғандығы. Коммунистік идологияның, совет үкметінің қазақ халқына қарсы жүргізген саясаты, қоғамдық надан пікірлердің қалыптасуына ықпал болып, дінімізден де, ділімізден де* айырылып қалуға шақ қалдық. Сақал қою қазақы болмыс әрі нағыз еркектің сәні екендігіне Әйтеке бидің мына сөзі дәлел болар:
"Сөздің көркі мақал, ердің көркі сақал.
Сөздерінде мақалы жоқ, иегінде сағалы жоқ, тек бәйбіше мен тоқал" – дейді.

Видео Ұстаз - Абдуғаппар Сманов (Алла рақымына бөлесін). Сақал жайлы. канала Rakhat auyl meshiti