Көмек керек! Халық мал жайып жүрген жерлер түсініксіз жағдайда жекенің қолына өтіп кетті

Алматы облысында үш бірдей ауылдың халқы жайылым жер тарылып бара жатқандықтан сиырларын сойып, мал басын азайтуға мәжбүр болып отыр. Өйткені, ауыл шарушылығына бағытталған жердің мақсаты түсініксіз жағдайда жеке үй шаруашылығына өзгертіліп кеткен. Ірі қараның арқасында күн көріп отырмыз деген ауыл тұрғындары жергілікті биліктен қайыр болмаған соң, Алматы облысының әкімінен көмек сұрайды.
Жаңатұрмыс, Райымбек және Абай ауылының тұрғындары малдарымызды жаятын жер тарылып барады деп ашулы. Айтуларынша, аталған үш ауылдың ірі қарасы мына 300 гектар жердегі шөпті жеп, осында жайылатын.
МҰХТАР ЗАҒИТОВ, Райымбек ауылының тұрғыны:
– Күллі осы территорияға күллі Райымбек ауылының тұрғындарының малы жайылушы еді. Бізде Райымбек ауылында жайылым ешкім бермей отыр. Жайылым жер жоқ боп отыр.
АЙГҮЛ ЖАРЛЫХАНОВА, Жеке шаруашылықтың ветеринарлық дәрігері:
– Біз мал санын өсіре алмай отырмыз. Өйткені, жер тапшы. Қазір 500 бас ірі қара бар. Осы жерден күніне қаладағы супермаркеттерге, балалар үйіне және мүгедектер үйіне сүт өнімдері жөнелтіледі. Сондай-ақ, еттерді де қалаға жеткіземіз. Егер жайылым жер тарыла беретін болса, мал саны да азаяды.
Тұрғындардың айтуынша, бұл жердің мақсаты белгісіз жағдайда ауыл шаруашылығын жүргізуден, жеке шаруашылыққа ауысып кеткен. Яғни, қасындағы 500 ірі қара өсіріп, өнімін қалаға жіберіп отырған қожалықтан бастап үш ауылдың малы бұл жерге енді жайыла алмайды деген сөз.
ӨМІР СЕРІКБЕКҰЛЫ, Тілші:
– Ал мына 300 гектар аумақта қазір құрылыс жұмыстары қарқынды жүріп, қара топырағы қазылып жатыр. Әуелде тынбай жұмыс істеп жатқан мамандар камераны көре сала техникаларын анау сайға тығып тастады.
Ал, ауданның сәулет және құрылыс бөліміндегілер санитарлық қорғау аймағына құрылыс жүргізуге рұқсат жоқ екенін айтты. Яғни, мына салынып жатқан нысанға құжат берілмейді. Ал Қарасай аудандық сәулет бөлімінің мамандары мониторинг жүргізіп, жердің қолдану мақсатын өзгерту бойынша тиісті органдарға сауал жолданғандарын мәлімдеді.
БАҚДӘУЛЕТ САҒЫНДЫҚОВ, Қарасай ауданы құрылыс, сәулет бөлімі мемлекеттік мекемесінің басшысы:
– Құрылыс жұмыстары жаңағыдай рұқсатсыз жүргізіліп жатыр. Ол бойынша біз Райымбек ауылдық округына, әкімшілігіне және Гаскіге хат жолдадық.
Ал жұрт бірнеше жылдан бері шешілмей келе жатқан мәселені Алматы облысының әкімі өз көзімен көрсе екен дейді.
Өмір Серікбекұлы, Думан Сүлейменов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#жер_дауы #жайылым #приватизация #Қарасай

Видео Көмек керек! Халық мал жайып жүрген жерлер түсініксіз жағдайда жекенің қолына өтіп кетті канала Информбюро 31