Елбасының Қазақстанды "Қазақ елі" деп өзгертейік деген бастамасына көпшілік пікір білдірді

Президенттің Қазақстанды Қазақ елі деп өзгертейік деген бастамасына бүгін оппозиция өкілдері де пікір білдірді. Қоғам қайраткерлері кешеден бері "Стан" дегенді атауды алып тастау туралы ұсынысты қызу талқылап жатыр. Ғаламторда ғана емес, бұл ұсыныс көпшілік ішінде де сөз болуда. Қалың елдің пікір ауанын Гүлбану Әниятқызы да біліп көрген еді.
Қазақстан-Қазақ елі. Президенттің мемлекет атауын Қазақстан емес, Қазақ елі деп атайық деген бастамасы кешеден бері қызу талқыға түсті. Ғаламтор бетінде пікір білдіргендердің басым бөлігі құлаққа жағымды естілетін Қазақ елі деп атауды қолдайтындарын жазуда. Яғни, көпшіліктің пайымынша, "Қазақ елі" азаматтары қазақстандықтар емес, қазақтар. Бүгінде оппозицияда жүрген Балташ Тұрсынбаев та "стан" дегенді баяғыда алып тастауымыз керек еді деп есептейді. Көшіп-қонып жүретін халық емеспіз, тұрақты мемлекеттің атауы Қазақ елі болуы тиіс деген ұстанымда...
БАЛТАШ ТҰРСЫНБАЕВ, қоғам қайраткері:
Стан деген сөз Қазақстан Ауғанстан «стан» деген стойбище деген сөз. Малдың, елдің кішкентай тұратын жері. Үш күн болды төртінші күні көшіп кетті. Сондықтан президенттің айтқаны дұрыс.
Осы Қазақ елі деген атауды ұсынып отырған Нұрсұлтан Назарбаев 1991 жылы 1 желтоқсанда Қазақ ССР-нің президенті болып сайланған еді. Он күннен кейін сол кездегі Жоғарғы Совет Серікболсын Әбділдиннің төрағалық етуімен Қазақ ССР-інің атауын Қазақстан Республикасы деп өзгерту туралы заң қабылдады. Нұрсұлтан Назарбаев "Қазақ елі" деп өзгерту мәселесін халықтық талқылауға салуды Атырауға барған кешегі сапарында айтқан.
НҰРСҰЛТАН НАЗАРБАЕВ, ҚР Президенті:
- Осы мүмкін бәрімен бірдей болмай Қазақстан республикасы дейміз, Қазақ елі деген атауға көшуіміз керек. Қазақстанның аты. Сонда Мәңгілік ел болу деген ата-бабамыздың арманы. Көк тасқа жазып кеткен түрік бабаларымыздың арманы.

Видео Елбасының Қазақстанды "Қазақ елі" деп өзгертейік деген бастамасына көпшілік пікір білдірді канала Информбюро 31