Կամ էշը կսատկի, կամ էշատերը

Կինոռեժիսոր Տիգրան Խզմալյանի հետ խոսեցինք Հայաստանի ներքաղաքական կյանքի և արտաքին քաղաքականության մասին: Կինոռեժիսորը կարծում է, որ դաժան ճշմարտություններ ասելու և լուռ ընդունելու կարիք ունենք: Հայաստանը դեռևս մնում է Ռուսաստանից կախվածության մեջ: Նա կարծում է, որ մենք պետություն չունենք, որ մենք 100 տարուց ավել է փառաբանում և պաշտում ենք սեփական դահիճներին: Լուրջ դեմքով քննարկել նախագահի ընտրություն, որին չի ընտրել ժողովուրդը, առնվազն ծիծաղելի է:
Տիգրան Խզմալյանը կարծում է , որ 2013 թվականի սեպտեմբերի 3-ին Հայաստանին սպառնացել են պատերազմով, ինչը ստացավ Ուկրաինան:
"Փառք աստծո Ռուսաստանը զբաղված է Սիրիայով, Ուկիրաինայով և պատժամիջոցներով, մեզ հաջողվում է այդ ընթացքում դանդաղ խուսանավել անդունդի եզրից: Պայմանագիրը, որը կնքվել է Եմ-ի հետ լուռ համաձայնություն է, որը հասկացավ ԵՄ-ն, ինչից պրծավ Հայաստանը: Մենք, ի միջիայլոց, ստացանք պատերազմ: Սերժ Սարգսյանը անցել է քաղաքական դպրոց Հեյդար Ալիևի հետ աշխատելով: Նա կարող է քծնել, խաբել, խորամանկել, նա շահեց որոշակի ժամանակ: Սերժ Սագսյանի վարած քաղաքականությունը, իմ կարծիքով, ժողովրդական ասացվածքի է նման. կամ էշը կմեռնի, կամ էշատերը: Մենք սրտատրոփ սպասում ենք , որ էշատերը մահանա, իսկ էշը՝ սաղ մնա: Դա է մեր միակ հույսը:"
Կինոռեժիսորի հետ հարցազրույցն ամբողջությամբ՝ տեսանյութում:

Видео Կամ էշը կսատկի, կամ էշատերը канала Lragir AM