"Mişaya azadlıq!" şuarı ilə Gürcüstanda aksiyalar - Baku TV

"Mişaya azadlıq!" şuarı ilə Gürcüstanda aksiyalar - Baku TV

Mixeil Saakaşvilinin həbsdə saxlanıldığı Rustavi şəhərindəki 12 saylı cəzaçəkmə müəssisəsinin yaxınlığında “Mişaya azadlıq!” şüarları ilə genişmiqyaslı etiraz aksiyaları keçirilir. Gürcüstanın müxtəlif bölgələrindən gələn çoxsaylı etirazçılar həbsdə olan Saakaşvilinin azad olunmasını tələb edirlər.
Onu da bildirək ki, aksiya səbəbi ilə Rustavi-Qardabani yolunda nəqliyyatın hərəkəti tam məhdudlaşdırılıb. Həbsxananın önünə çox sayda hüquq-mühafizə orqanlarının əməkdaşları səfərbər edilib.
Vahid Milli Hərəkat Partiyasının siyasi şurasının üzvü Mixeil Saakaşvilinin qanunsuz olaraq həbs edildiyini və o, azadlığa buraxılanadək etirazlarını davam etdirəcəklərini bildirib.
Vahid Milli Hərəkat Partiyasının üzvü Xatia Dekanoidze isə həbsdə olan Mixeil Saakaşvili ilə görüşüb.
Vahid Milli Hərəkat Partiyasının siyasi şurasının sədri, Tbilisi şəhərinin meri vəzifəsinə namizəd Nika Melia isə Baku TV-yə verdiyi müsahibəsində Saakaşvilinin mütləq azadlığa çıxacağını deyib.
Xatırladaq ki, Gürcüstanın keçmiş prezidenti Mixeil Saakaşvili oktyabrın 1-də Tbilisidə həbs edilib. Hazırda onun tərəfdarları “Mişaya azadlıq!” şüarı ilə keçirilən aksiyaların davam edəcəyini bildirirlər.


Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
https://www.facebook.com/www.baku.tv/
https://www.instagram.com/__baku_tv__/
https://baku.tv

Kanalda bütün müəllif hüquqları qorunur.

#BakuTv #Azerbaycan #trend

Видео "Mişaya azadlıq!" şuarı ilə Gürcüstanda aksiyalar - Baku TV канала Baku TV