«Halyk bank» ауыл шаруашылығымен айналысатын кәсіпкерлерді қолдауды бастап кетті

«Halyk bank» ауыл шаруашылығымен айналысатын кәсіпкерлерге қаржылай қолдау көрсету бағдарламасын қолға алды. Жаңа жобаға құс фермалары, мал мен бау-бақша шаруашылықтары қатыса алады. Несие мөлшері 180 миллионнан 3 миллиард теңгеге дейін қарастырылған. Ерекшелігі сол, кәсібін кеңейтіп, өндіріс көлемін арттыруды қалайтын компанияларға қаржылай көмектің елу пайызы "Ауыл шаруашылығын қаржылай қолдау қоры" Акционерлік қоғамынан берілетін болады.
Ірі қара малын өсірумен айналысатын "Ет индустриясы" жауапкершілігі шектеулі серіктестігі - Халық банк пен "Ауыл шаруашылығын қаржылай қолдау" қорының бағдарламасына қатысып, алғашқы болып ақшалай көмек алған компания. Мал басын бес мыңға дейін көбейтуді көздеген шаруашылыққа 1,3 миллиард теңгені Халық банк берген. Жаңа жобаның ерекшелігі сол, бұл соманың 50 пайызы "Ауыл шарушалығын қаржылай қолдау қорынан" алынған.
СЕРГЕЙ ГОРОВОЙ, "Ет индустриясы" ЖШС директоры:
– Бұл қаржы бізге мал мен жем-шөп сатып алуға жетеді. Оның үстіне, несие шарттары көңілімізден шығады. Біз үшін өте қолайлы қаржылық құрал. Қаржы көлемі үлкен болғанымен, несие мөлшерлемесі үлкен емес. Өйткені оның бір бөлігін мемлекет субсидияландырады. Яғни, біз пайызды толық төлемейміз. Пайыздың белгілі бір бөлігін субсидия өтейді.
Ауыл шаруашылығы саласын қолдау мақсатында ашылған бағдарламаға кәсібін енді бастап келе жатқан кәсіпкерлерден бөлек, ісін кеңейтуді көздейтіндер де қатыса алады. Несие сомасы әртүрлі. Ауыл шаруашылығына енді араласа бастаған компаниялар үшін - 180 миллион теңге болса, жұмыс істеп тұрған шаруашылықтарға 3 миллиард теңгеге дейін несие беріледі. Сондай-ақ, қаржылай көмекті инвестициялық мақсатта және айналыс капиталын толтыру үшін алуға болады.
ИГОРЬ СТЕКСОВ, «Halyk bank» БҚО филиалының директоры:
– Халық банк барлық саламен жұмыс істейді. Ауыл шаруашылығы болсын, дүкендер, сән салондары сияқты кәсіптерге де қаржылай көмек көрсетіп келеміз. Біз барлық мемлекеттік бағдарламаларда көшбасшымыз. Бизнестің жол картасы-2025 бойынша да клиенттерге субсидия беру жағынан қолдау қарастырылған.
ЛИМАРА САЛИХ, тілші:
– Халық банк пен Қордың қаржылай қолдауын алу үшін міндетті түрде ауыл шаруашылығы саласы болуы шарт. Яғни, кәсіпті дамыту мақсатында берілетін қомақты қаржыны мал, бау-бақша шаруашылықтары, құс фермасы, сүт өнімдері мен қант қызылшасын шығарумен айналысатын өндірістер ала алды. Қаржыландыру мерзімі - 10 жылдан кем болмауы тиіс. Әзірге бағдарлама Батыс Қазақстан облысында жүзеге асты.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

Видео «Halyk bank» ауыл шаруашылығымен айналысатын кәсіпкерлерді қолдауды бастап кетті канала Информбюро 31