चेहरा (Chehra)| Spruha Joshi | Marathi Kavita | Poems

गेल्या महिन्यात 'काव्यांजली' कार्यक्रमात मी सादर केलेली एक कविता तुमच्यासोबत share करतेय. कवितेचं नाव आहे 'चेहरा'. आवडली तर नक्की comments मध्ये कळवा.

आज किती नंबरचं हसशील?
३१७, २७५ की ५०१?
हो, पण ते ३८ नंबरचं नको हं;
खूप वेळा रिपीट झालंय!
तेच एक्सप्रेशन फार वेळा रिपीट झालं
की नट खोटा आहे असं समजतात म्हणे..
हो! बरोबर आहे तुझं!
नटाचं तेच काम आहे म्हणा,
खोट्याचं खरं करणं..
पण ते प्रेडिक्टेबल झालं ना
की बाजारातली 'वर्थ' उतरते म्हणे..

असो, कुठे होतो आपण?
हं.. अश्रू.. ते एका डोळ्यातून तीन थेंब
आणि दुसऱ्यातून असे खळ्ळकन फुटू दे
काच तडकल्यासारखे!

तेवढं एक साधलं, की मग
नेहमीच्याच ८८, ७५ आणि २७ नंबरच्या
प्रेम, आशा आणि लाज
अशा मागोमाग कट- पेस्ट कर
की झालंच.

अरे.. हो हो!
सकाळपासून रात्रीपर्यंतचा
स्क्रीनप्ले रंगवायला
एवढं कॅलक्युलेशन खूप झालं!

नाहीतरी मन काय?
असलं तर असलं;
नसलं तर..
तसंही कोणाला दिसलं..!!??
- स्पृहा ©
#SpruhaJoshi #Marathi #Kavita
Follow for regular updates on

Facebook : https://www.facebook.com/spruhaj
Twitter : https://twitter.com/spruhavarad
Instagram : https://www.instagram.com/spruhavarad

Видео चेहरा (Chehra)| Spruha Joshi | Marathi Kavita | Poems канала Spruha Joshi