Майдан шебі 1000 шақырымға созылған Ресей-Украина әскери қақтығысына 100 күн!

Бүгін Ресейдің Украинадағы арнайы әскери операциясы басталғанына жүз күн болды. Әлі екі ел арасындағы қарулы қақтығыстардың қанша уақытқа созылатыны белгісіз. Владимир Зеленский Люксембург парламентіне бейнебайланыс арқылы қосылып, Ресей әскері Украина территориясының 20 пайызын басып алғанын мәлімдеді. Майдан шебі 1000 шақырымға созылыпты. Зеленскийдің сөзінше, Ресейге күштеп әкетілген балалар саны 200 мыңға жеткен. Ал қақтығыстар кезінде 243 бала қаза тауып, 450-ге жуығы жарақат алған. Тағы 139-ы із-түссіз жоғалған.
Сондай-ақ, Зеленский негізгі шайқас Украинаның шығысындағы Северодонецк қаласында жүріп жатқанын айтты. Қазір қала бомба астында қалыпты. Сол үшін 800 адам химиялық зауыт ішінде бой тасалап, тығылып отыр екен. Луганск облысының губернаторы Сергей Гайдай Северодонецктің өнеркәсіптік аймағы украиналықтардың, ал 60 пайыздан астам аумағы ресейліктердің бақылауына өткенін хабарлады. Ал Ресей президентінің баспасөз хатшысы Дмитрий Песков арнайы операция басталғалы көптеген нәтижеге қол жеткізгендерін және барлық мақсаттары орындалмайынша жалғастыра беретіндерін айтты. Сөзінше, қазір көптеген елдімекендер ұлтшылдық элементтерінен босатылған.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Украина #Зеленский #әскери_қақтығыс #Путин #геосаясат

Видео Майдан шебі 1000 шақырымға созылған Ресей-Украина әскери қақтығысына 100 күн! канала Информбюро 31