Лукашенко иcбот кард, ки Эмомалӣ Раҳмон пешво нест| Муҳиддин Кабирӣ

#Тоҷикистон #МухиддинКабири #Душанбе #تاجیکستان #ПМТ #ҲНИТ #Таджикистан #Кабири #МардумиТоҷикистон #تاجیکی #ПахшиЗинда #فارسی #КДАМТ #ВКД #Инқилоб #Farsi #محی الدین #کبیری #эмомалирахмон #ЭмомалӣРаҳмонов #Tajikistan #Tadschikistan #центральнаяазия #Киргизиcтан #Роccия #Afganistan #Live #Stream
#Бадахшон #Хатлон #Cуғд
Байни Мардум
Мамадбоқир Мамадбоқиров сарҳанги мустаъфии нерӯҳои сарҳадӣ, ки соҳҳои охир аз тарафи мақомот таъқиб мешавад, дар як навор ба иттиҳомоти алайҳаш посух гуфт ва вазъро то ҷое шарҳ дод. Ӯ гуфт ҳеҷ айбе надорад, ҷуз ин ки ҳамаша аз мардуми Бадахшон ҳимоя кардааст.

Ин раҳбари мардумӣ мегӯяд таъқибаш пас аз боздошти 736 кило ҳероин буд, ки аз тарафи ӯ анҷом гирифт ва ба ҷои мукофотонидан ӯро аз вазифа сабукдӯш карданд.

Матни пурраи муроҷиати ӯ, ки аз шуғнонӣ б тоҷикӣ баргардон шуд, ба шакли зер аст:

Ман Мамадбоқиров Мамадбоқир, сокини шаҳри Хоруғ хастам. Аз дасти Ҳукумати ВМКБ 30 сол мешавад, ки дар бало ҳастам. Сабабашро намедонам. Мумкин аст, ки каме ҳам бошад, ки тарафдори ростӣ ҳастам, гапи ҳақро мезанам ва мардумро каму беш дастгири менамоям. Барои ҳамин ҳукуматдорон маро бад мебинанд.

Дар Бадахшон ҷавонон кариб намондаанд, муттахасисон ва ходимони моро куштанд, ҷавонони моро маҳбас карда истодаанд. 30 сол шуд, ки мо зиндагии осоишта надорем. Бароям не мақоми президентӣ даркор асту на талабгори ягон мансаб. Фақат аз ҳукуматдорон талаб дорем, ки бимонед, ки мо ба осоиштагӣ зиндагӣ намоем, аммо мутаасифона ҳукумат фақат моро маҳбас мекунанду мекушанду халос.

Соли 2012 бо 5000 нафар ҳукумат зиёда аз 24 нафар шаҳрвандро куштанд ва чандин нафари дигарро захмиву хонавайрон намуданд. Соли 2014 се нафари дигарро кормандони ҳифзи ҳуқуқ дар рузи равшан куштанд. Барои чунин кирдорҳо кормандони мақомотҳои қудратӣ беҷазо монданд ва ягон кас ба даъвои мо намерасад.

Барои ҳамин, мудоме ман мегӯям ки “Вой бар ҳоли Бадахшони бечораи ман аст” . Ба монанди ҳиндӯҳо (индейсҳо) дар бундубасту муҳосира қарор дорем. Не силоҳ дорему не сухан! Ба ягон ҷо моро роҳ намедиҳанд, ҳатто ба макотиби олӣ. Мо душман ҳам нестем. На ба давлат хиёнат кардему на ба Раисҷумҳур! Фақат барои осоиштагии мулкамон хостгор ҳастему халос.

Шумо ҳукуматдорон ниҳоят бераҳм ҳастед! Ҳатто бо говзанбур нохуни бачаҳоямонро аз ангушт ҷудо менамоед. Миллати тоҷик чунин ҷоҳилу бераҳм нест. Чандин маротиба ба Раисҷумҳур муроҷиат намудем, аммо тамоман ба доди мо намерасиданд. Аққалан бо назари яктарафа ба ҳоли мо ҳам нигаред, ки чи ҳолу аҳвол дорем!

Барои ҳукумат хизмат намудам. Ман ҳам одами партофтагӣ набуда, рутбаам полковник буд, командири қисми марзбонӣ будам. Дар ноҳияи Мурғоб қисми ҳарбии марзбонии хуб доштем. Ноҳияи Мурғобро обод намудем. Роҳи Қулмаро кушодем. Баъд аз кушодани ин шоҳроҳ, маро ҳукуматдорон фавран душман бароварданд.

Дар вақти адои вазифаи хизматиам 736 кг маводи мухаддири героинро дастгир намудам. Ман чӣ гуноҳ доштам? Аз вазифа маро озод намудед, ба ивази он, ки барои хизматам ба ман як ордени Спитамен ва ё рутбаи генералӣ медодед, аммо ҳукуматдорон баръакси ҳол маро душман баровардед аз барои “бор” и раиси ВМКБ.

Эй мардум! Мана гуноҳи ман дар чист, ки маводи мухаддирро дастгир намудам. Аз ҷонамон моро сер кардед! Намедонам, ки ин ҳукуматдорон чи мехоҳанд? Айни замон ҳукуматдорон аз ман талаб доранд, ки бояд ман худро ба мақомотҳои қудрати бисупорам. Ман чи гуноҳи бузурге кардам? Магар ман ба ягон гуруҳе ба монанди ИГИЛ ва ё ба ягон гуруҳи дигар рафтаам?

Мо як мардуми бечора ҳастем. Раиси ҳозираи ВМКБ нисбати ман хусумати шахси дорад. Ба Худо қасам! Ин шахс дар вақти адои хизматам дар ноҳияи Мурғоб афсари зертобеи ман буд. Ман аз бисёр корҳои махфӣ ва барои мардуми оддӣ номаълуму ноаён хабардор ҳастам. Мисол у дар таҷовузи як духтар дар н.Мурғоб даст дошт.

Ба ростии Худо, ман намедонам ки ӯ ба ман чи кор дорад. Айни замон раиси ВМКБ шудасту хоҳиши маро куштан дорад. Барои чӣ? Ман ҳам як шаҳрванди Тоҷикистон ҳастам, шаҳрванди қонунбардор ҳастам, ман боре ҳам чароғаки ҳаракати роҳро вайрон накардаам! Аммо кам кам мардумро дастгири менамоям. Пеши роҳи қонунвайронкуниҳои ҳукуматдоронро мегирам.

Ба ҳар ҳол, оё ягон кас маро дуруст мефаҳмад ва мепурсад? Террористу одамкуш худи ҳукуматдорон ҳастед! Бачаҳоро куштанд ва мехоҳанд, ки айби худашонро бар сари ман бор кунанд.

Cаҳифаи Муҳиддин Кабирӣ дар Фейcбук - Facebook
https://www.facebook.com/muhiddinkabiriofficial

Cаҳифаи Муҳиддин Кабирӣ дар тик ток - Tik Tok
https://vm.tiktok.com/ZM8p1tQju/

Cаҳифаи Муҳиддин Кабирӣ дар Инcтаграм - Instagram
https://instagram.com/kabirimuhiddin?utm_medium=copy_link

Видео Лукашенко иcбот кард, ки Эмомалӣ Раҳмон пешво нест| Муҳиддин Кабирӣ канала Muhiddin Kabiri