Асқар Жүнісбеков - Боз орамал (БейнеМәтін)

========================================
Сөзі Мұқағали Мақатаев
Әні Тынышбай Рақым
========================================
Кетпейтін көңілімнен сен бір өлең,
Ғашық ем көздеріңе мөлдіреген, сәулем
Қып-қызыл емес пе еді орамалың,
Жас дәурен жалауындай желбіреген, сәулем.

Алаулы таңдарым едің,
Аяулы арманым едің,
Өзіңе сағыныш сазын,
Арнадым дедім, сәулем.

Келеді балғын бейнең көз алдыма,
Аттаған ақ босағаң базарлы ма, сәулем?!
Бояуы солғын тартып гүл дәуреннің,
Қып-қызыл орамалың бозарды ма, сәулем?!

Алаулы таңдарым едің,
Аяулы арманым едім,
Өзіңе сағыныш сазын,
Арнадым дедім, сәулем.
Өзіңе сағыныш сазын,
Арнадым дедім, сәулем.

Арай таң ақ қанатын жазар адал,
Қыр төсі гүл жайнайтын кез оралар, сәулем.
Сағымға араласқан сағыныштай,
Жаныңды жүдетті ме боз орамал, сәулем.

Алаулы таңдарым едің,
Аяулы арманым едім,
Өзіңе сағыныш сазын,
Арнадым дедім, сәулем.
Өзіңе сағыныш сазын,
Арнадым дедім, сәулем.
=======================================

Видео Асқар Жүнісбеков - Боз орамал (БейнеМәтін) канала Esen Kalmagambetov