Մամաշ-Պապաշները Երեխաներին Արցախ Չեն Թողնո՞ւմ, Ուրեմն՝ Ձեր Հետ Ամեն Ինչ Կկատարվի Երևանի Կենտրոնում

«Անդրադարձի» եթերում «Ողջ մնալու արվեստ» ռազմահայրենասիրական կազմակերպության հիմնադիր, Արցախյան 3-րդ պատերազմին մասնակցած «Voma» գումարտակի հրամանատար Վովա Վարտանովն է ։ Անդրադառնալով նրան, որ նոյեմբերի 10-ից հետո անգամ բազմաթիվ զինվորներ են գերեվարվում, թուրքերն ամեն օր տարածքային պահանջներ են դնում, նշում է՝ քանի որ մենք պարտված կողմ ենք, թուրքը իրեն ավելի լկտի է պահում։ «Վայ Պարտվածներին» և սա դեռ գալլերի առաջնորդն է ասել՝ պարտվելով հռոմեացիներին։ Թե որքանո՞վ է սխալվում թուրքը, Վարտանովն առաջարկում է ապացուցել մեր կյանքով, մեր պահվածքով։ «Մինչև չդադարենք տեստոստերոնով հարուստ ցլի նման խոցել մեր եղբայրներին, մինչև չվերանա էս ատելությունը, մենք ապագա չունենք ոչ պուճուրիկ, ոչ մեծ Հայաստանում»,-ասում է Վարտանովը։ ․ Հիշեցնենք,որ զինվորներ կամ նրանց հարազատներ օրերս հայտարարում էին, որ թույլ չեն տա իրենց երեխաներին ծառայել Արցախում։ Վովա Վարտանովն արձագանքում է․«Ես առաջ մտածում էի, իսկ հիմա սկսել եմ ասել, որ մեր ծնող կոչեցյալները հենց նույն երեխեքին, տղամարդկանց, յանի պաշտպանելու նպատակով, բավականին հիմար գործողություններ են անում։ Այդ մամաշներն ու պապաշները, ուրիշ ձևի լեզուս չի պտտվում, իրենք ի՜նչ մայր, ինչ հայր, որովհետև այդ նույն երեխաներին, եթե մենք չպաշտպանեք Հայաստանի հեռավոր պաշտպանական գծերը, դա Արցախն է, Մեղրին, Տաշիրը, ապա այդ նույն երեխաներին արդեն իրենց աչքի առաջ կմորթեն Երևանի պատերի տակ։ Եթե ուշքի չգանք ու էդ ախմախների թաթիկներին չխփենք, պռոշներին չտանք, որ, այ ախմախ, բոլ ա տարանջատես հայկական հողի մի կտորը մյուսից, հայի մի տեսակը մյուսից»։ Վովա Վարտանովը հավելում է․ անկախ նրանից, թե մեր երեխաներին դաստիարակո՞ւմ ենք եթե ոչ ծովից ծով, ապա Քռից Վանա լիճ Հայաստան ունենալու գաղափարով, թե ոչ, թե լինում ենք պուճուրիկ Լիխտեյշտեյն, մենք պետք է լինենք ուժեղ և հարուստ երկիր։ Մանրամասները՝ տեսանյութում։

ANN - Armenian National Network - Համահայկական Ազգային Ցանց
https://www.youtube.com/c/ANNmedia
@ArmenianNationalNetwork

Видео Մամաշ-Պապաշները Երեխաներին Արցախ Չեն Թողնո՞ւմ, Ուրեմն՝ Ձեր Հետ Ամեն Ինչ Կկատարվի Երևանի Կենտրոնում канала Armenian National Network