Ukraynada döyüşən ailə BAKU TV-yə danışdı - BAKU TV

Ukraynada döyüşən ailə BAKU TV-yə danışdı - BAKU TV

Bir aydır davam edən müharibə zamanı Ukraynada 1300-dan çox yaşayış evi zərər görüb, 650-ə qədəri isə tamamilə dağıdılıb. 12 milyon ukraynalı iş yerini və evini tərk etmək məcburiyyətində qalıb. Ölkədə min nəfərə qədər mülki şəxs həlak olub ki, bunun da 120-dən çoxu uşaqdır. Müharibədə həlak olan ukraynalı hərbçilərin sayının 3-4 min arasında olduğu bildirlir. Ukrayna Silahlı Qüvvələri Baş Komandanlığının məlumatlarına görə, ötən 1 ayda Rusiyanın itidiyi hərbçilərin sayı 16 minə qədərdir. Rusiyanın eyni zamanda 550 tank, 1600 zirehli maşın, 300 artilleriya sistemi, 50 hava hücumundan müdafiə sistemi, 130 helikopter, 120 döyüş təyyarəsi və 20 xüsusi texnikası məhv edilib. Ən əsası isə müharibənin ilk günündə Kiyevin 3 günə götürüləcəyi iddiası irəli sürülsə də, 30 gün keçməsinə baxmayaraq, hələ də paytaxt işğalçılara müqavimət göstərir. Üstəlik, Rusiya Ukraynanın Xerson şəhərini ələ keçirsə də, yerli əhalinin etirazlarına görə ərazidə nəzarəti bərpa edə bilmir.
30 gün keçməsinə baxmayaraq, ukraynalılar hələ də qələbəyə inamlarını itirmirlər. Onlardan biri, Denis Kiyevdə ərazi özünü müdafiə briqadasının döyüşçülərindəndir. O, elə söhbət zamanı növbəti döyüş əməliyyatına hazırlaşırdı.
“Kiyevdə doğulmuşam. Rusiyanın işğalı başladı. Onlar elə bilirdi, 2 günə işğal edəcəklər, 1 ay keçib, heç nə bacarmayıblar. Yalnız Qostomeli ala bildilər, oranı da artıq qaytarırırq. Belə deyim, bütün vuruşan dostlar, könüllülər - siz bizimləsiniz, biz sizinləyik, biz bir yerdə vuruşuruq. Xalqın döyüş ruhu yüksəkdir. Çünki əməliyyata gedən bütün hərbçilərimiz yaxşı xəbərlərlə qayıdır, düşmənin texnikasını dağıdır, ələ keçirir, bunu xəbərlərdə də görürsüz”, - deyə o qeyd edib.
Bu bir ayda tək Ukrayna hərbçiləri yox, yerli mülki insanlardan da ölkənin müdafiəsinə qoşulanlar var. Məsələn, Aleksandr və Darina bir ailədir, kiyevlidir. Müharibəyə qədər mülki həyatda hərəsinin öz peşəsi olub. Döyüşlər başlayan gündən silaha sarılıb, ər-arvad birgə doğma şəhərlərinin müdafiəsinə qatılıblar, aktiv döyüşlərdə iştirak edirlər. Darinanın məhv etdiyi xeyli düşmən var.
Beləliklə, müharibənin 30-cü günü arxada qalır. Ukraynalılar müqaviməti əks hücumla daha da gücləndirir. Rusiya isə Ukrayna şəhərlərini avia və raket atəşləri ilə vurmaqda davam edir.
________________________________________
Bu video Rusiya-Ukrayna münaqişəsi ilə bağlıdır. Baku TV hərbi əməliyyatlar gedən ərazilərdəki mülki şəxslərə oranı təcili tərk etməyi, təhlükəsiz və yeraltı sığınacaqlardan istifadə etməyi tövsiyə edir.
Кадры боевых действий между Россией и Украиной. Baku TV рекомендует гражданам, находящимся в зоне боевых действий, срочно покинуть территорию и выбрать для укрытия безопасное место; желательно использовать подземные убежища.
________________________________________
https://www.facebook.com/www.baku.tv
https://www.instagram.com/bakutvofficial
https://www.twitter.com/bakutvofficial
https://t.me/bakutvxeber
https://www.baku.tv
©2021 - 2022 © All Rights Reserved ℗ Baku TV
#Bakutv #rusiya #ukrayna #bakutvxeber #bakutv #bakutvnews #newsandpolitics #xəbərlər

Видео Ukraynada döyüşən ailə BAKU TV-yə danışdı - BAKU TV канала Baku TV