«Маңғыстау-Ақтөбе» бағытындағы пойыз жолсеріктері вагондардың әбден ескіргенін айтып шағымданды

«Қазақстан теміржолы» мен Индустрия және инфрақұрылымдық дамыту министрлігінің назарына! «Отпан логистик» компаниясының меншігіндегі «Маңғыстау-Ақтөбе» бағытында жүретін пойыздың жолсеріктері вагондардың әбден ескіргенін айтады. Екі өңір арасында жолаушыларға серік болып жүргендер артық істелген жұмыстың ақысы да қолымызға тимейді деп шағымданады. Ал «Отпан логистик» компаниясының басшылығы жаңа вагондарды сатып алу үшін министрліктен қаржылық қолдау күтіп отырмыз дейді.
"Вагондардың сапасына жолаушылардың айтатын сынынан ұялатын жағдайға жеттік" деген бір топ жолсерік басшыларына қойған талабымызды орындата алмай келеміз дейді. Айтуларынша, рейске шығатын вагондардың сиқы мынау. Ал құмға айналып кеткен көмір тіпті жағуға келмейді дейді олар.
БАУЫРЖАН СҮЙІНОВ, «Otpan logictics» ЖШС жолсерігі:
– Жолаушыларды тасымалдайтын вагонымыз нашар, жарамайды. Мында келіп жағдайымызды участок бастығы Кәрібжанов Талғатқа айтсақ бізбен тіпті сөйлеспейді де. Бір сөз айтсаң адам есебіне алмайды. Бірдеңе болса увольнение дейді. Нақты талабымыз бізді «Пассажирские перевозкиге» қайтарса.
ӘЛІМБЕК БЕРЕКЕТОВ, «Otpan logictics» ЖШС жолсерігі:
– Көмір жағдайына келсек қазып аламыз астынан. Шынын айтқанда біз ана Қарағандының шахтері болып кеттік.
Жолсеріктер ел қатарлы артық істелген жұмыстың ақысын да, теміржолшылар күніне арналған мерекелік ақыны да алмадық дейді. Ал басшылық бір рет жылдық ақы беретіндерін айтады.
САЛТАНАТ СЫЗДЫҚОВА, «Otpan logictics» ЖШС директорының кеңесшісі:
– Біз ешкімді жұмыстан шығарамыз деп жатқан жоқпыз. Кез келген мәселеде жолсеріктеріміздің шағымын тыңдаймыз. Министрлік те вагондарды жаңалауымыз керек екенін айтып жатыр. 2020 жылы күрделі жөндеуден өткен 11 вагонды сатып алдық. Жолаушыларды тасымалдайтын жаңа вагондарды алу үшін индустрия министрлігінің қаржыландыруы жөніндегі мәселе қазір қарастылып жатыр.
Сонымен қатар компания басшылығы учаске бастығы Талғат Кәрібжановтың өте талапшыл маман дейді. Және қызметкеріне жекіп сөйлеуі мүмкін емес екенін айтады. Ал сапасы нашар көмір мәселесі бойынша мердігер мекеменің жіберген қателігі екенін мойындайды.
Махаббат Нұржанқызы, Сәбит Амангелдіұлы
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Қазақстан_Темір_Жолы #жолсеріктер_шағымы

Видео «Маңғыстау-Ақтөбе» бағытындағы пойыз жолсеріктері вагондардың әбден ескіргенін айтып шағымданды канала Информбюро 31